16 Наурыз, 2016

Балық аулау байқауы

338 рет
көрсетілді
1 мин
оқу үшін
DSC_6118Басқа сайыстардан сәл бөлектеу көрінген бұл фестивальге Ақ­мо­ла және Солтүстік Қа­зақстан облыстарынан 122 әуесқой балық­шы қатыс­ты. Орталарында сегізі нәзік жандылар. Бұл фестивальді Ақмола облыстық дене тәрбиесі және спорт басқармасы «Көкше жиҺаз» ЖШС, «Торфей», «Клевый», «Рыбак»» «Зоо при­рода» дүкендерімен және «Алма ТВ» кабельдік телеарнасымен бірлесе отырып ұйымдастырды. Жарыс екі кезеңнен тұр­ды. 3 минут ішінде мұздан ұяшық ұңғылау бәскесінде Юрий Лунга жеңімпаз атанды. Ол осы уақытта 8 ұя­шық­ты бұрғылап үлгерген. Жүл­делі орыннан Вадим Габдрахимов пен Денис Эйс­ман да құр қалмады. Ал балық аулау жары­сында әр қатысушыға екі жарым сағаттан уақыт бе­­рілді. Осы уақытта 41 ба­лық ұста­ған Виктор Ев­до­кимов үздік деп танылды. Сондай-ақ, 40 балықты қар­мағына ілік­тірген Алек­сандр Жұ­ма­ғатов екінші, 26-сын ұстаған Евгений Скальский үшінші орынды місе тұтты. Жарыстың жекелей есе­бінде 47,5 ұпай жинаған Юрий Лунга топ бастаса, ал ко­мандалық есепте «Нар­фин» ба­лықшылары алдына қара түсірмеді. Фестивальдің «Ең ірі ба­лық ұстағаны үшін» жүл­десі Виктор Евдокимов пен Сәуле Оспановаға бұйырды. Бақберген АМАЛБЕК, «Егемен Қазақстан». Ақмола облысы.