Полиграф

әскери қызметшілердің заңға қайшы іс-әрекеттерін анықтауға көмектеседі Қазақстан Республикасының Қарулы Күштерінде әскери қызметшілердің заңға қайшы әрекеттерінің алдын алу үшін арнайы техникалық құралдар қолданылуы мүмкін. Тексеру полиграф аппаратының көмегі арқылы жүзеге асырылуы ық­тимал. Биылғы жылы Қазақстан Республикасының Қарулы Күш­терінде бірінші жартыжылдықта шақырылымға жауапты қорғаныс істері жөніндегі аумақтық органдардың әскери қызметшілері полиграф аппаратында тексеруден өтеді деп жоспарлануда. Полиграф – бұл талап етілетін стимулдарға жауап ретінде адамның реакциясын қадағалап отыруға мүмкіндік беретін тех­никалық құрал. Графика түрінде бейнеленіп көрсетілетін тыныс алу, жүрек-қан тамырла­ры жүйелерінің, терінің элек­трлі белсенділігі секілді физио­логиялық көрсеткіштер электр дабылдарына ауысады. Полиграф арқылы тексеру адамның өмірі мен денсаулығына әсер етпейтін мүлдем қауіпсіз процедура және адамның еркін түрдегі жазбаша келісімімен ғана жүзеге асырылады. Полиграфтың көмегімен ал­когольді, есірткі заттарын мөл­шерден көп пайдалану, құмар ойындарға әуес болу, өзін өзі өлтіруге әрекеттену, діни экс­тремистік ұйымдардың өкіл­дерімен жеке байланыс орнату, қылмыстық элементтер немесе шетелдік арнайы қызметтерге жәрдемдесу, рұқсат етілмеген қызметтік (құпия) ақпаратты тарату, қандай да бір жемқорлық әрекеттерге бару секілді дерек­терді анықтауға болады. «Егемен-ақпарат».