24 Наурыз, 2016

«АТОМ» жобасы аясындағы шара

433 рет
көрсетілді
1 мин
оқу үшін
«АТОМ» жобасы«АТОМ» жобасы – біраз жылдан бері жүзеге асырылып келе жатқан жаһандық ядролық қарусыздануға қол жеткізудің іс-әрекеттері мен ұстанымының дәстүрін жалғастырған Президент Назарбаевтың әлемдік деңгейдегі маңызды бастамасы екенін атап айтқан жөн. Жақында Елбасының баста­ма­сына қолдау көрсету мақ­сатында Абай кітапханасында жиын өтті. Шараға «Невада-Се­мей» ядролық жарылысқа қар­сы қозғалысының мүше­лері, зиялы қауым өкілдері мен Қазақстан халқы Ассам­блеясының өкілдері қатыс­ты. Шара барысында «Казах­с­танский путь к безядерному миру» деп аталатын кітаптың тұсаукесері өтті. Кітап жазу­дың идеясы Назарбаев зияткер­лік мектебінің ұстазы Асхат Жұмабековке тиесілі, ол өз оқушыларымен Қазақстанның Семейден басқа да аймақтарына барып, физикалық құралдардың көмегімен жер, су, ауаның құ­рамындағы радиация мөлшерін зерттеуге кіріскен болатын. «АТОМ» жобасы арқылы олар Семей өңіріндегі по­ли­гонның радиациялық фоны қалыпты жағдайда екенін дәлел­деп, басқа аймақтардан ешқан­дай да айырмашылығы жоқ деген тоқтамға келген екен, осы туралы кітапта жақсы баян­далған. Кітаптың бірінші бөлі­мі Семей полигонының жабы­луы мен Қазақстанның әлемдегі төртінші ядролық-зымырандық нысаннан бас тартқандығы жайлы айтылған. Кітаптың сүйінші данасы LAP LAMBERT Academic Publi­shing баспасында (Герма­ния) жарық көрген. Кітап­тың екінші авторы – «Нева­да-Семей» халықаралық анти­яд­ролық қозғалысының вице-пре­зиденті, «Құрмет» орденінің иегері Сұлтан Картоев. Жиын­ға қатысушылар Семей поли­го­нының жабылуы мен ел Тәуел­сіздігінің 25 жылдығына биыл өз мәнінде атап өту керек деген бірауызды ұйғарымға келді. Раушан НҰҒМАНБЕКОВА. СЕМЕЙ.