28 Наурыз, 2016

Шымкентте дәстүрлі ән орындаушылар байқауы өтті

422 рет
көрсетілді
1 мин
оқу үшін
28.03.2016 OQO-2 ШЫМКЕНТ. 28 наурыз. Оңтүстік Қазақстан облысында ел Тәуелсіздігінің 25 жылдығына орай облыстық «Наурыз» атты дәстүрлі ән орындаушылар байқауы өтті. Бұл туралы egemen.kz тілшісі хабарлады. Ұлттық дәстүрді насихаттап, жас әншілерді қолдау мақсатында ұйымдастырылған дәстүрлі әншілер байқауына 16-30 жас аралығындағы 16 үміткер қатысты. Дәстүрлі ән делінгенімен оның да, озығы мен тозығы бар. Қазылар алқасы орындаушының дауысынан бөлек таңдаған шығармасының мазмұны мен мәніне, сахнада өзін ұстауына да назар аударды. Байқау қортындысы бойынша бас жүлдені Созақ ауданының үкілеп қосқан үміті Елдос Жүсіпов алса, бірінші орын шымкенттік Ақжол Өсербайға бұйырды. Ал, екінші және үшінші жүлделі орынды сайрамдық Мөлдір Изенова мен отырарлық Шоқан Теңлібаев бөлісті. Бақтияр Тайжан. Дерек, сурет: egemen.kz