Мұз астында қалған жылқылар Павлодар аймағынан табылды

Таяуда тәртіп сақшылары Пав­ло­дар облысына қарасты Шідерті ауылынан 12 ша­қырым жердегі өзеннің табанында суымен бірге мұз болып, қатып қалған 42 бас жылқыны тапты. Ішкі іс­тер басқармасы баспасөз қыз­метінің хабарлауынша, бұл үй жануарлары аталған елді мекендегі шаруа қожалығына тиесілі екен. Себебі, өткен жылдың 3 желтоқсанында Екібастұз қалалық ішкі істер басқар­масына аталған қо­жалықтың иесі 42 бас ма­лының із-түзсіз жоғалып кет­кені жөнінде шағым түсірген. – Мен 2015 жылдың 18 қ­араша күні бір үйір жыл­қымды жоғалтып алдым. Әдеттегідей, олардың аман-сау екенін көру үшін жайылымға келдім. Жануар­лардың жоқ екенін байқап, іздеуге кірістім. Алайда, малдарымды таппадым, – дейді қожалық иесі. – Біз ішкі істер басқар­масына келіп түскен ша­ғым­­­ға байланысты іздеу жұ­мыстарын жүргіздік. По­лицейлер Екібастұз қа­ла­сы маңын, Ақмола және Қа­рағанды облыстарын шарлап, дала жануарының тұяғы тиеді-ау деген жерлерді сүз­гіден өткізді. Нәтижесінде жыл­­қылардың мұзға айналған денесін тап­тық, – дейді із кесуші полицейлер. Айта кетейік, мамандар жоғал­ған жылқылардың жалпы шығыны 9 млн. теңгені құрайды деп отыр. Әзірге бұл оқиғаға байланысты тәртіп сақшылары әлі де тергеу амал­­дары жүргізілетінін айтты.  Төребек ТҰРМАНОВ.