25 Қаңтар, 2011

Көңіл айту жеделхатын жолдады

377 рет
көрсетілді
1 мин
оқу үшін
Мемлекет басшысы Н.Ә.Назарбаев қазақтың көрнекті ақыны, Мемлекеттік сыйлықтың лау­реа­ты Қадыр Мырза Әлінің өмірден озуына бай­ланысты марқұмның отбасы мен туған-туыс­тарына көңіл айту жеделхатын жолдады, деп хабарлады Қазақстан Республикасы Прези­дентінің баспасөз қызметі. Елбасы жеделхатта ардақты ақынның дүние­ден өтуі қазақ әдебиеті үшін орны толмас қаза екенін, оның азаматтық, патриоттық тақы­рып­тарға жазыл­ған, философиялық түйіндеулерге құ­рылған жыр­ла­рын халқымыздың сүйіп оқитынын атап өткен. «Қадыр Мырза Әлі тек қаламгерлік қайратымен ғана емес, биік азаматтық болмысымен, еңбек­сүй­гіш­тік қасиетімен де жұртшылыққа жақсы үлгі еді. Халқымыз оның жарқын дидарын, тапқыр да шуақты әзілін сөзсіз сағынатын болады. Қадырдай ақынның өмірі оның жүрегінің тоқтауымен аяқтал­майды, енді оның шығармашылық мол мұрасының мәңгілік ғұмыры басталып, баянын таба беретіні сөзсіз», делінген жеделхатта.