Ұшатын ақтиіндер

Ресей ормандарынан Қазақстан даласына «қоныс аударды» Биыл Өскеменнің маңайы ұшатын тиіндерге толып кетті. Бір қызығы, бұл жануардың бұрын мұнда мекені жоқ болатын. Ресейден жүздеген лекпен келген олар енді осы арадағы орман мен жаңа кеуектерді қоныстана бас­тады. Облыс орталығына жақын орналасқан Тархан ауылының оқушылары ұшатын тиіндерге көмек көрсету мақсатында кішкене ағаш үйшіктер жасап жатыр. Ал жергілікті орманшылар күтпеген «мигранттар» үшін алабөтен қуа­нышты. – Егер ұясын салып, азығын қамдап беруге жағдай жасасақ, әрі қарай көше бермей, бізде қалады деп ойлаймын. Сондықтан, біз кіш­кене жануарға жағдай жасау үшін жасанды кеуектер оюдамыз, – деді орманшылардың бірі Алексей Черепанов. Мамандар ұшатын тиін­дер­дің жаппай қоныс аударуы тіршілікке қолайлы жер із­­деуден шыққанын айтады. Олар Қазақстан аума­ғына бал­қа­рағай түйінін іздеп келгенге ұқсайды. Ресейге қа­рағанда, Өс­кемен маңындағы ормандарда балқарағай, самырсын жаң­ғақтары мол түседі. Зоо­лог­­тардың пікі­рінше, орманды жаңадан мекен­деушілер көп пайдасын ти­гізуі мүмкін. Ұша­тын тиіндер орман­ның бос жат­қан азықтық белдеуіне орнала­сып қана қоймай, жергілікті фау­на­ның дамуына ықпал етеді әрі табиғатқа ерекше көрік береді. Думан АНАШ, «Егемен Қазақстан» ӨСКЕМЕН