Олимпиада • 05 Тамыз, 2024
Өткен аптаның соңында дзюдошылардың додасы аяқталды. Соңғы болып татамиге әйелдер арасындағы аса ауыр салмақтағы Кәмилә Берліқаш шықты.
Спорт • 02 Тамыз, 2024
UFC-де күш сынасып жүргеніне аса көп уақыт болмаса да, біраз бедел жиын үлгерген қазақтың аралас жекпе-жек шебері Асу Алмабаев қазіргі кезде аса жеңіл салмақтағы (56,7 кг) спортшылардың рейтингінде 14-орынға көтерілді.
Спорт • 01 Тамыз, 2024
Сейсенбіде Париж Олимпиадасында тағы бірнеше жүлде жиынтығы сарапқа салынды. Өкінішке қарай, бұл тәулікте де Қазақстанның қоржынына бірде-бір медаль түспеді. Әсіресе біз дзюдошы Абылайхан Жұбаназар мен Есмигүл Куюлова және жүзуші Әділбек Мусиннің жолына үмітпен қарадық.
Спорт • 31 Шілде, 2024
Парижде алауы тұтанған Олимпия ойындарының алғашқы күндері қоржынымызға 1 алтын мен 2 қола медаль түскенде қазақ жанкүйерлері қуаныш пен шаттыққа бөленді. Барлығымыз арқа-жарқа болып қалған едік. Ал осы аптаның басы біз үшін көңілсіздеу басталды. Дүйсенбі күні жерлестеріміз бірде-бір жүлдеге қол жеткізе алмады.
Спорт • 30 Шілде, 2024
44 жыл күттірген алтын Парижде бұйырды
Францияның бас шаһары Парижде XXXIII жазғы Олимпия ойындары басталды. Осы жолы жарыстың ашылу салтанаты әдеттегідей алып стадионда емес, табиғат аясындағы таза ауада өтті. Қайыққа мінген атлеттер Сена өзені бойымен Аустерлиц пен Йенск көпірлері арасын жүзіп өтті. Сол аралықта ел астанасының біраз көрікті жерлерін аралап, тамашалауға мүмкіндік туындады. Қазақтың көк байрағын ұстап шығу бағы боксшы Асланбек Шымбергенов пен жеңіл атлет Ольга Сафроноваға бұйырды. Жерлестеріміз Жапония, Иордания және Кенияның спорттық делегацияларымен бір қайыққа жайғасты. Әйгілі Эйфель мұнарасының дәл алдындағы Трокадеро алаңында өткен салтанатты іс-шара барысында керемет концерттік және шоу бағдарламалар ұйымдастырылды. Жарысты Францияның президенті Эмманюэль Макрон ашса, алқызыл алауды желмен жарысқан желаяқ Мари-Жозе Перек пен даңқты дзюдошы Тедди Ринер тұтандырды.
Спорт • 26 Шілде, 2024
Отандық грек-рим күресі шеберлері Олимпия ойындарында толағай табысқа қол жеткізгенін көзіқарақты көрермендер жақсы біледі. Кезінде Валерий Резанцев (1972, 1976 жылдары) екі дүркін Олимпиада чемпионы атанса, Анатолий Колесов (1964), Анатолий Быков (1976), Жақсылық Үшкемпіров (1980) және Шәміл Серіковке (1980) бұл белес бір мәрте бағынды. Владимир Бакулин (1968), Анатолий Быков (1980) және Дәулет Тұрлыханов (1988) күміс медальды иеленді. Бірақ бұл жүлделердің барлығы да келмеске кеткен КСРО-ның еншісінде қалды. Оған дара туған Дәулеттің ТМД құрамасы сапындағы Барселона Олимпиадасының қола медалін қосыңыз.
Бокс • 16 Шілде, 2024
Ту ұстаудың жауапкершілігі жоғары
Париж жазғы Олимпиадасының ашылу салтанатында еліміздің делегациясын бастап, ту ұстап шығу құрметі боксшы Асланбек Шымбергенов пен жеңіл атлет Ольга Сафроноваға жүктелді.
Спорт • 05 Шілде, 2024
Ұлттық құрама жаттығуды жалғастырады
Бокстан ұлттық құрама боксшылары Париж жазғы Олимпиадасына дайындық кезеңіндегі кезекті жаттығу жиынын аяқтады.
Теннис • 29 Маусым, 2024
1 шілдеде Ұлыбритания астанасы – Лондонда «Уимблдон» турнирі басталады. Жүлде қоры 50 миллион фунт-стерлингті құрайтын дүбірлі додада әлемнің үздік теннисшілерінің барлығы бақ сынайды. Қазіргі кезде мықтылар соңғы даярлықтарын пысықтап жатса, ортаңқол ойыншылар іріктеу турниріне қатысуда. Соның қорытындысы бойынша «Уимблдонда» өнер көрсететіндердің толық тізімі белгілі болады. Бұл жарыс 14 шілдеде мәреге жетеді.
Спорт • 28 Маусым, 2024
Боксшылар қоржыны бос қайтпайды
Францияның бас шаһарында алауы тұтанатын XXXIII жазғы Олимпия ойындарында бокстан еліміздің ерлер құрама командасының мүшелері барлық жеті салмақ дәрежесінде күш сынасады. Жанкүйерлер боксшыларымыздан әркез тек жоғары нәтиже күтетіні сөзсіз. Бұл жолы Парижде де үкілі үмітіміз ақталады деп ойлаймыз.
