Спорт • 24 Тамыз, 2024
Паралимпиада алауы тұтанатын күн жақын
28 тамыз бен 8 қыркүйек аралығында Франция астанасы Парижде өтетін Паралимпиада ойындарында еліміздің 44 өкілі өнер көрсетеді. Олар спорттың тоғыз түрінен бақ сынайды. Жарыстың ашылу салтанатында мемлекеттік туымызды параволейболшы Берік Ізмағанбетов пен пара нысана көздеуші Севда Әлиева ұстап шығады.
Теннис • 23 Тамыз, 2024
Теннистен АҚШ-тың ашық біріншілігінің басталуына санаулы күн ғана қалды. Нақтылай айтсақ, 26 тамызда Нью-Йоркте шымылдығы түрілетін жарыс 8 қыркүйекте өз мәресіне жетеді. «Үлкен дулыға» санатына енген дүбірлі додада әлемнің ең үздік ойыншылары өнер көрсетеді. Бақ сынаушылар қатарында еліміздің де теннисшілері бар. Биыл US Open турнирінің жүлде қоры 75 млн долларды құрап отыр. Бұрын-соңды теннисшілердің бірде-бір бәсекесінде дәл осындай қомақты сыйақы тағайындалмаған еді. Бұл – рекордтық көрсеткіш!
Спорт • 23 Тамыз, 2024
Күрес түрлерінен Йордания астанасы Амманда өтіп жатқан жастар арасындағы (U-17) әлем біріншілігінде Қазақстан құрамасы сәтті өнер көрсетіп жатыр. Жарыстың алғашқы күні өрендеріміз қос күміс медальға қол жеткізді.
Сұхбат • 23 Тамыз, 2024
Қазақ боксына түбегейлі өзгеріс қажет - Бақыт Сәрсекбаев
Боксшы Бақыт Сәрсекбаевтың есімі қазақ жанкүйерлеріне жақсы таныс. 2008 жылы Бейжіңдегі Олимпия ойындарында отандық былғары қолғап шеберлері арасынан жалғыз өзі бас жүлдені олжалап, еліміздің әнұранын шырқатты. Одан бөлек, қандасымыздың Азия ойындарының жеңімпазы (2006 жылы), Азиаданың қола жүлдегері (2002), құрлықтың үш дүркін чемпионы (2002, 2005, 2007) деген атақтары тағы бар. Сол табысының арқасында «Қазақстанның еңбек сіңірген спортшысы» атағын алып, І дәрежелі «Барыс» орденімен марапатталды. Содан кейін біраз уақыт елімізде жаттықтырушы болып қызмет етті. Таяуда ғана боксшымен тілдесудің сәті түсіп, Париж Олимпиадасындағы қазақ боксшыларының өнері әңгімеміздің арқауына айналды.
Спорт • 22 Тамыз, 2024
Париж Олимпиадасы тұсында бас басылымда осы бәсекелердің барысы жөнінде құлаш-құлаш мақалалар жарық көрді. Мұнда негізінен ұлттық құрама мүшелерінің нәтижелеріне баса назар аудардық. Ал бүгін өзге мемлекеттерде қай спорт түрлеріне басымдық берілгенін анықтау мақсатында әрқайсысына жеке-жеке тоқталуды жөн көрдік.
Спорт • 17 Тамыз, 2024
Қазіргі кезде күллі әлем жұртшылығы 8-13 қыркүйек аралығында Астанада алауы тұтанатын V Дүниежүзілік көшпелілер ойындарын тағатсыздана күтіп отыр. Бірнеше спорт түрін қамтитын дүбірлі додаданың аса тартысты өтетініне қылаудай да күмән жоқ. Себебі ұйымдастырушылар тарапынан дайындық барысы қарқынды және қатысушы командалардың барлығы да көшпелілердің даналығы мен дәстүрін, мәдениеті мен өнерін көрсететін жауапты жарысқа қызу даярланып жатыр.
Спорт • 15 Тамыз, 2024
Еркін күресте есеміз кетіп жүр
Париж Олимпиадасында еркін күрестен Қазақстанның ұлттық құрамасына бірде-бір жүлде бұйырмағаны, әрине, өкінішті. Сенім артқан төрт балуан бастапқы бәсекелерінде жеңілістің кермек дәмін татып, елге еңсесі түскен күйде оралды. Бірақ одан жарыстың қызығы мен шыжығы еш кеміген жоқ. Барша жанкүйер әлемнің әр қиырынан келген сақа спортшылар мен дарынды жастардың «жан алысып, жан беріскен» айқастарын тамашалап, солардың өрелі өнерінен керемет әсер алды.
Спорт • 14 Тамыз, 2024
Париж Олимпиадасындағы грек-рим күресі шеберлерінің айқасын тамашалай отырып небір керемет көріністердің куәсі болдық. Осы жарыста бірқатар сенсациялық нәтиже тіркелді. Чемпиондар тұғырдан тайып, олардың орнын басқа балуандар басты. Кейбір салмақтағы сақа спортшылар өзінің мықтылығын кезекті рет мойындатты. Кейбір көкжалдар сүреңсіз өнер көрсетіп, қалың топтың арасында қалып қойды.
Олимпиада • 13 Тамыз, 2024
Париж Олимпиадасы: Жетістігіміз – жеті жүлде
Франция астанасы Парижде өткен ХХІІІ жазғы Олимпия ойындары аяқталды. 17 тәулік бойы жер-жаһанды дүбірге бөлеген байрақты бәсекеге 206 мемлекеттен келген 10 714 спортшы қатысты. Тарқатып айтсақ, Африкадан – 51, Еуропадан – 48, Азиядан – 44, Америкадан – 17 және мұхит жағалауынан 17 елдің өкілдері шеберлік байқасты. Бұған қоса бақ сынаушылар қатарында бейтарап спортшылар мен босқындар командасы болды. «Олимпиадалық бітім» деп аталатын көнеден келе жатқан ата дәстүрді бұзғаны үшін Ресей мен Беларусьтің жарысқа қатысуына қатаң шектеу қойылды. Үміткерлер 32 спорт түрі бойынша 329 медаль жиынтығын сарапқа салды. Ал кейінгі үш күнде еліміздің өрендері қалай өнер көрсетті? Бүгінгі мақаламызды осыдан бастасақ.
Спорт • 10 Тамыз, 2024
Бүгінгі таңда өнер көрсетіп жүрген спортшылар арасындағы ең атақтысы АҚШ-тың өкілі Кэти Лэдекин екені даусыз. Орта және ұзын қашықтыққа жүзетін 27 жастағы Вашингтонның тумасы Парижде 1 алтын, 1 күміс және 1 қола медальды иеленді. Оған дейін ол 2012 жылы Лондон, 2016 жылы Рио-де-Жанейро және 2021 жылы Токиодағы додаларда олжаға кенелді. Қазіргі кезде Кэтидің қоржынында 9 алтын, 4 күміс және 1 қоласы бар. Сөйтіп, Лэдекин Олимпиадада ең көп жүлде алған спортшылар тізімінде үшінші орынға көтерілді. Оның алдында тек америкалық жүзуші Майкл Фелпс (23 алтын+3 күміс+2 қола) пен КСРО гимнасшысы Лариса Латынина (9+5+4) орап тұр.
