Спорт • 28 Қаңтар, 2026
Ыстанбұлда каратэден Премьер-лига санатындағы жарыс өтті. +68 кг салмақта айқасқан Олимпиаданың қола жүлдегері Софья Берульцева алтыннан алқа тақты. Финалда ол непалдық Арика Гурунгты 4:2 есебімен ұтты. 55 кг салмақтағы Бэлла Самашева да қарсылас шыдатпай, жеңіс тұғырының ең биік сатысына көтерілді. Ол шешуші тұста словакиялық Нина Квасникованы қапы қалдырды. Жалпы есепте жерлестеріміз (2+0+0) Мысыр (2+3+1) мен Түркиядан (2+2+2) кейінгі үшінші орынды иеленді.
Шахмат • 28 Қаңтар, 2026
Шахматшы Бибісара Асаубаева Нидерландтың Вейк-ан-Зее қаласында өтіп жатқан аса ірі халықаралық турнирдің алтыншы турында жеңіліс тапса, жетіншісін тең ойнап, сегізіншісінде жеңіске жетті.
Теннис • 27 Қаңтар, 2026
Мельбурнде өтіп жатқан Аустралияның ашық біріншілігі нағыз қызған шағына жетті. Жарысқа шыққан теннисшілеріміздің арасынан тек Елена Рыбакина мен Анна Данилина ғана ширек финалда күш сынасу құрметіне ие болды.
Спорт • 24 Қаңтар, 2026
Еліміздің биатлоншылары ақпан айында Италияда алауы тұтанатын қысқы Олимпия ойындарының төрт лицензиясын жеңіп алғаны белгілі. Ал жарысқа нақты кімдердің баратынын жергілікті федерация мен ұлттық құрама бапкерлері анықтауға тиіс. Кеше олар өздерінің кесімді сөзін айтты. Мамандардың таңдауы Азия ойындарының жеңімпазы Владислав Киреев пен Азиаданың күміс жүлдегері Әсет Дүйсеновке, дарынды жастар – Милана Генева мен Айша Рақышева түсті.
Спорт • 24 Қаңтар, 2026
Қатардың бас шаһары – Дохада стенд атудан Азия чемпионаты аяқталды. 10 жүлде жиынтығы сарапқа салынған жарыста еліміздің құрамасы зор табысқа қол жеткізді.
Шахмат • 24 Қаңтар, 2026
Нидерландтың Вейк-ан-Зее қаласында өтіп жатқан шахмат фестивалінде Бибісара Асаубаева үздіктерден қалыспай келеді.
Спорт • 23 Қаңтар, 2026
Еліміздің мәнерлеп сырғанаушылары ХХІ ғасырдың екінші онжылдығында жарқырап шығып, халықаралық аренада өздерінің мықтылығын мойындата бастады. Алғашында Денис Тен олжаға кенелсе, одан кейін Элизабет Тұрсынбаева топ жарды.
Спорт • 23 Қаңтар, 2026
Денистің діттегені – жүлделі орын
Апеннин түбегінде алауы тұтанатын XXV қысқы Олимпия ойындарында жеңіс тұғырына көтеріледі деп сеніп отырған еліміздің басты үміттерінің бірі шорт-тректің хас шебері Денис Никиша екені сөзсіз. Бүгінгі мақаламызда сол спортшы туралы әңгіме қозғауды жөн көрдік.
Олимпиада • 23 Қаңтар, 2026
Апеннин түбегінде асығымыз алшысынан түсе ме?
Биылғы ең басты спорттық жарыс – 6–22 ақпан аралығында Италияның Милан мен Кортина-д’Ампеццо қалаларында өтетін ХХV қысқы Олимпия ойындары. Байрақты бәсеке барысында спорттың 8 түрінен (16 қашықтық) 116 жүлде жиынтығы сарапқа салынады. Қатысушылар қатарында еліміздің спортшылары да бар. Осы дүбірлі дода қарсаңында Ақ Олимпиаданың тарихына қысқаша шолу жасауды жөн көрдік.
Спорт • 22 Қаңтар, 2026
Нидерландтың Вейк-ан-Зее қаласында шымылдығы түрілген шахмат фестивалінде Бибісара Асаубаева табысты өнер көрсетіп жатыр. Тұсаукесер кездесуінде америкалық Энди Вудфорды ұтты. Екінші партияда әзербайжандық Айдын Сулейманлымен ұпай бөлісті. Одан кейін де аргентиналық Фаустино Орамен тең түсті. Бұл ойыншылардың барлығы да ФИДЕ рейтінгінде қазақ қызынан жоғары тұр. Үшінші турдан кейін Бибісара жарыс кестесінде екінші орында тұр. Тағы алты шахматшының нәтижесі дәл сондай. Көш басында – Сулейманлы. Ол 2,5 ұпайды олжалап отыр.
