Қоғам • 15 Қыркүйек, 2020
Жамбылдық әкімдер жергілікті жұртшылықпен жүздесуде
Мемлекет басшысы Қасым-Жомарт Тоқаев «Жаңа жағдайдағы Қазақстан: іс-қимыл кезеңі» атты Жолдауында «Ауылдың әлеуетін толық пайдалану – стратегиялық маңызы бар мәселе. Ауылдағы мейлінше өзекті мәселелерді шешуге арналған «Ауыл – ел бесігі» бағдарламасын жүзеге асыру жалғасатын болады», деген болатын. Сондай-ақ Президент Жолдауда «Халық үніне құлақ асатын мемлекет» құру қолға алынғанын, бұл, ең алдымен, билік пен қоғам арасындағы тұрақты диалог екенін айтқан еді. Осы орайда, Президент Жолдауынан туындайтын міндеттерді жүзеге асыру мақсатында Жамбыл облысының әкімі Бердібек Сапарбаевтың тапсырмасымен Тараз қаласының және облыстағы барлық ауданның әкімдері көшпелі қоғамдық қабылдау өткізіп, жергілікті жұртшылықпен жүздесті. Көптің көкейіндегі мәселелерін тыңдап, оны шешу жолдарын қарастырды.
Аймақтар • 14 Қыркүйек, 2020
Жуалылық кәсіпкер жүз миллионнан астам теңгеге көмек көрсетті
Қазіргі кезде қоғамды қос бүйірден қысып, тіпті әлемді әбігерге салып отырған коронавирус індетімен күрес мемлекет тарапынан жүйелі жүргізілуде, деп хабарлайды Egemen.kz.
Аймақтар • 10 Қыркүйек, 2020
Қазақ халқының ұлы ақыны Абай Құнанбайұлының 175 жылдығына және Конституцияның 25 жылдығына орай Жамбыл облысы, Жамбыл аудандық «Жастар ресурстық орталығы» мен «Геккон» спорттық-туристік клубы «Достық шыңы» деген атаумен альпиниада ұйымдастырды.
Театр • 04 Қыркүйек, 2020
Жамбыл облыстық Асқар Тоқпанов атындағы қазақ драма театрының ұжымы Ғабит Мүсіреповтің «Қозы Көрпеш – Баян сұлу» спектаклін сахналады. Бірақ бұл қойылым әдеттегідей театр сахнасында емес, Тараз қаласындағы «Төрткүл» керуен сарайының ашық аспан астындағы түнгі сахнасында өтті. Аталған шығарманың қоюшы-режиссері – Ш.Айтматов атындағы Халықаралық сыйлықтың иегері Қуандық Қасымов.
Аймақтар • 02 Қыркүйек, 2020
Президент Жолдауына орай Жамбылда жаңа жобалар басталады
Кеше Мемлекет басшысы Қасым-Жомарт Тоқаев «Жаңа жағдайдағы Қазақстан: іс-қимыл кезеңі» атты Қазақстан халқына Жолдауын жариялаған болатын. Президент Жолдауына орай, Жамбыл облыстық әкімдігінде актив жиналысы өтті.
Аймақтар • 01 Қыркүйек, 2020
Жамбыл облысының әкімі оқушыларға сабақ өткізді
Бүгін білім күні мерекесіне орай, Жамбыл облысы, Жамбыл ауданының Түрксіб ауылында №6 мектеп-гимназиясы пайдалануға берілді. Жамбыл облысының әкімі Бердібек Сапарбаев жаңа білім ошағындағы алғашқы шараға қатысып, мұғалімдерді, оқушылар мен ата-аналарды жаңа оқу жылының басталуымен құттықтады, деп хабарлайды Egemen.kz.
Оқиға • 01 Қыркүйек, 2020
90 пәтерлі тұрғын үй пайдалануға берілді
Конституция күніне орай Тараз қаласындағы «Арай-2» шағын ауданында шаһар тұрғындарына пәтер кілттері табысталды. Аталған 90 пәтерлі көпқабатты тұрғын үй «Нұрлы жер» бағдарламасы аясында бой көтерген. Ал аталған тұрғын үйдің құрылысын мердігер компания «Бином» жауапкершілігі шектеулі серіктестігі жүргізген. Баспаналы болғандардың қатарында аз қамтылған, толық емес отбасылар, жетім балалар және әлеуметтік осал топтағы басқа да азаматтар бар. Жамбыл облысының әкімі Бердібек Сапарбаев баспана иелеріне пәтер кілттерін арнайы табыстап, тұрғындарды қоныстойларымен құттықтады.
Аймақтар • 01 Қыркүйек, 2020
Елімізде бүгінде бірінші кезекте білім саласына тиісті көңіл бөлінуде. Мемлекеттің аталған салаға деген қамқорлығын еліміздегі әрбір өңір жақсы сезінуде. Білім саласы күрделі сала болғандықтан, мұнда сол саланың басы-қасында жүрген басшылар мен қосшыларға да артылар жауапкершілік жоғары.
Аймақтар • 31 Тамыз, 2020
Жамбыл облысында білім саласының басшылығы тиісті мәселеге көңіл бөлмеген
Жамбыл облысының әкімі Бердібек Сапарбаев Тараз қаласындағы ақыл-ойының дамуында кемістігі бар балаларға арналған арнайы мектеп-интернатына барған болатын. Жақында ғана мектеп нысанына жапсарлас бой көтерген ғимараттың құрылысы аяқталған. Алайда, жаңа ғимараттағы спортзал, тігін және ағаш шеберханалары әлі бос тұр екен. Бастапқы жобалау кезінде жиһаз бен жабдық сатып алуға қаражат бөлінбеген. Жауапты басшылардың ешқайсысы аталған мәселеге уақытылы назар аудармаған болып шықты. Бердібек Сапарбаев білім басқармасының басшылығына ескерту жасап, мұндай маңызды істе кемшіліктерге жол берілмеу керектігін атап өтті, - деп хабарлайды Egemen.kz.
Аймақтар • 31 Тамыз, 2020
Тараз тұрғындарының кейбір мердігерлерге көңілі толмайды
Бүгінде Тараз қаласындағы аулаларды абаттандыру мен білім беру мекемелерінің жағдайы өңірдегі өзекті мәселелердің бірі. Мәселен, облыс орталығындағы "Алатау" шағынауданында "Жұмыспен қамтудың жол картасы-2020" бағдарламасы бойынша бес аула абаттандырылуда. Аталған жұмыстармен "Энерджи-Тараз" жауапкершілігі шектеулі серіктестігі айналысуда. Жалпы, аулаларды абаттандыру толық асфальттау, көшелерді жарықтандыру, орындықтар мен қоқыс жәшіктерін орнату шараларын қамтиды. Сондай-ақ, Таразда балалар мен спорт алаңқайлары салынып, кеңейтілуде. Жамбыл облысының әкімі Бердібек Сапарбаев аулаларды абаттандыру және мектептердің жағдайымен танысып, бұл ретте мердігерлер мен Тараз қаласының әкімі Айтқазы Қарабалаевқа құрылыс жұмыстарының сапасына айрықша назар аудару керектігін тапсырды, - деп хабарлайды Egemen.kz.
