Өнер • 17 Қазан, 2024
Атақты хореограф – Абай театрында
«Британия империясы» орденінің кавалері, әлемге әйгілі биші, хореограф Акрам Хан елімізге келіп, Абай атындағы Қазақ ұлттық опера және балет театрында бірнеше күн шеберлік сабағын өткізді. Жаңалығы мол қойылымдарымен би әлеміне жаңа серпін берген өнерпаз қазақ елі әртістерінің тәжірибесін толықтырып, тереңдете түсті.
Музей • 11 Қазан, 2024
«Анаға құрмет» – айрықша музей
Осы уақытқа дейін ана мен баланың, отбасылық құндылықтардың маңызын насихаттап, ұлттық дәстүрді жаңғыртуға үлес қосып жүрген «Анаға құрмет» музейі биыл алғашқы 10 жылдық мерейлі белесін атап өтті.
Архив • 07 Қазан, 2024
Әлем елдерінің архившілері Алматыда
1-4 қазан аралығында Алматыда Қазақстан Республикасы Президентінің Архиві ұйымдастырған «Мұра институттары қоғамды орнықты дамыту жолында» тақырыбындағы ІІ Архившілер конгресі өтті. Архившілер конгресінің Қазақстан-Британ техникалық университеті ғимаратының «Тәуелсіздік залында» өтуінің тарихи мәні зор. Осы залда 1990 жылы мемлекеттің «Егемендік туралы» декларациясы қабылданған. Биыл екінші рет өткізіліп отырған конгресс қатысушыларының қатары БҰҰ, ЮНЕСКО, Халықаралық архивтер кеңесінің лауазымды тұлғаларымен толықты. Конгресс жұмысы ТМД, Орталық Азия, Оңтүстік-Шығыс Азия, Таяу Шығыс, Еуропалық одақ, АҚШ – жалпы саны 20 елден келген архив қызметінің басшылары мен қызметкерлерінің, ғалымдар мен жетекші сарапшылардың басын қосты. Сондай-ақ төрт күнге созылған дүбірлі жиынға еліміздің 150-ден аса орталық және облыстық архив, білім беру мекемелерінің басшылары мен қызметкерлері қатысты.
Мәдениет • 03 Қазан, 2024
Торқалы тойда 126 ардагер марапатталды
1934 жылы ұлттық, әлемдік классикалық мәдени мұраны насихаттау мақсатында құрылған Абай атындағы Қазақ ұлттық опера және балет театры өзінің 90-маусымын тарих бетіне өрнектеді. 90 жылдық тарихында 300-ден аса шығарманы сахнаға шығарған қазақ өнерінің қара шаңырағы мерейлі белесін тыңғылықты дайындықпен қарсы алып отыр. Атаулы күнге орай саналы ғұмырын киелі сахнаға, шығармашылыққа қызмет етуге арнаған театрдың 126 майталман маманы арнайы төсбелгімен марапатталып, бағалы сыйлықтар табысталды.
Архив • 01 Қазан, 2024
Архивке арналған пошта маркасы
1-4 қазан күндері Алматы қаласында өтетін «Мұра институттары қоғамды орнықты дамыту жолында» II конгресі қарсаңында Президент Архивінің 30 жылдығына арналған мерейтойлық пошта маркасы арнайы таныстырылды. Салтанатты рәсім Президент архивінің ғимаратында өтті. Арнаулы пошта маркасын таныстыру рәсіміне Президент архивінің директоры Әлия Мұстафина мен «Қазпошта» АҚ басқарма төрағасы Әсел Жанасова қатысты.
Инновация • 27 Қыркүйек, 2024
Бүгінгі таңда Мемлекет басшысы Қ.Тоқаевтың халыққа арнаған Жолдауында атап көрсетілген тоғыз басым бағытты іске асыру барлық салада – экономика, көлік, өндіріс, білім беру, мәдениет және өзге де маңызды салаларды цифрлық жаңғырту жағынан дамыту көзделіп отырған жауапты кезеңде IT-технологияларды қолдану мүмкіндігінің жаңа көкжиектерін ашу міндеті де өткір сезілетінін байқау қиын емес. Қазақстан Президенті Архиві, Satbayev Universiti және Yandex Qazaqstan бастамасымен ұйымдастырылған «Archive Hack: Ақылды архив» алғашқы архивтік хакатоны ел Президенті атап өткен елеулі салаларды сандық технологиямен байланысты өркендету мұратына қолдау білдіре отырып, техникалық университет шаңырағында архив ісіндегі жаңа цифрлық шешімдерді болашақ жас мамандардың мүмкіндігімен бірлесе іздеуге шақырды.
Көрме • 26 Қыркүйек, 2024
Қолөнершілер одағының мүшесі, белгілі зергер, сәндік-қолданбалы өнердің танымал өкілі Серікқали Көкенов – зергерлік өнердегі көне әдіс-тәсілдерді қайта жаңғыртып, заманына қарай дем беретін дарын иесі. Оның туындыларында біздің дәуірімізге дейінгі ІV-III ғасырларда қазақ жерінде кеңінен қолданылған бүртіктеу және сіркелеу сынды көне әдістер басым.
Қоғам • 18 Қыркүйек, 2024
Кітап әлеміне айналған фестиваль
14-15 қыркүйекте Алматыдағы Арбат алаңы әркім іздегенін тапқан нағыз кітап патшалығына айналды. Алматы әкімдігі Мәдениет басқармасы және қаланың Орталықтандырылған кітапхана жүйесінің қолдауымен «Baurzhan foundation» қоры ұйымдастырған «Kitap Fest Almaty» кітап фестивалі өзінің онжылдығын атап өтті. Еліміздің кітап нарығындағы ең ірі фестиваль қала күні қарсаңында мегаполистің мәдени мазмұнын тереңдете түсті. 2014 жылы бастау алған фестиваль бүгінде әдеби мәдениетті насихаттаудың бірегей платформасы ретінде танылған және бұл дәстүрден биыл да жаңылған жоқ. Ерекшелігі сол, фестиваль 10 жылда алғаш рет екі күн қатарынан өтті, бұл мегаполистің кітапсүйер қауымын қуантпай қоймады.
Кино • 06 Қыркүйек, 2024
Baiqonyr – Орталық Азиядағы дебюттік және қысқаметрлі фильмдерді таныстыратын бірегей халықаралық фестиваль. Алматыда 3-8 қыркүйек аралығына жоспарланған халықаралық Baiqonyr кинофестивалі тоғызыншы рет түрлі бағыттағы режиссерлердің жарқын туындыларын топтастырып, көпшілікке жаңалығы мол кино жәрмеңкесі іспетті ұсынып отыр. Киногерлер арасында танымалдығы артып келе жатқан кинофестивальге қатысуға биыл 670 өтінім келіп түскен. Фестиваль үш бағытты қамтиды: қысқаметрлі көркем фильмдердің халықаралық байқауы, көркем және деректі фильмдердің ұлттық байқауы және бұған дейін «ойын жанрындағы дебюттік фильмдер» бағдарламасы ретінде өткізіліп келген бағыт биыл бөлек байқау ретінде қарастырылады.
Қоғам • 03 Қыркүйек, 2024
Шығарма тағдырын оқырман шешеді
Соңғы жылдары рухани әлемде елеулі оқиғаға айналып, оқырман қауымның оң бағасына ие болған Mecenat.kz әдеби сыйлығының ең маңызды кезеңі кеше мәресіне келіп жетті. Жоба мүшесі, модератор Әлішер Рахаттың айтуынша, биыл ұйымдастырылған тәуелсіз байқауға 40-тан аса шығарма қатысқан, оның 17-сі қазақ тілінде, 23 шығарма – орыс тілінде, арасынан тек алтауы ғана іріктеліп шыққан, 1 жазушы алыс шетелден қатысса, авторлардың арасында 10 кәсіби жазушы болған.
