Мәдениет • 15 Қазан, 2023
Қазақ оркестрінің жаңа маусымы
Еркеғали Рахмадиев атындағы Мемлекеттік академиялық филармонияның Қазақ оркестрі XXVII концерттік маусымын «Астана – өнер ордасы» бағдарламасымен ашты. Сазды кеште қазақ және әлем композиторларының таңдаулы шығармалары орындалды.
Өнер • 12 Қазан, 2023
Ол мүсін жасауға бала кезінен құмартты. Содан бері қолы саздан арылған жоқ. Әр мүсінін аяқтаған сайын бұл өнердің қыр-сырын енді танығандай, шеберлігін шыңдап келеді. Өзіндік көзқарасы мен талғамы туындыларынан көрініп-ақ тұрады: алашшылдар, зиялылар, тұлғалар... Ол талай мәрте жасап отырған мүсінін бұзып, қайта соғыпты. Ойындағы сол бір бейне, сол мінез өз деңгейіне жеткенше шеберханадан шықпайды. Жұмысына, ең алдымен, өнер деп қарайды. Әр жаңа мүсіні көрген көзді де қуантады. Ол жалақысы көп қызметті тастап, туған жеріне оралып, туған топырағының тұлғаларын жаңғыртып жүр. Семейдегі ел Президенті Қасым-Жомарт Тоқаев арнайы барып ашқан Абай мен ұлдарының, Мұхтар Әуезов пен Қайым Мұхамедхановтың, Астанадағы Қаламгерлер аллеясына қойылған Алаш арыстары – Әлихан, Ахмет, Міржақыпқа арналған мемориалдың да авторы сол шебер. Біздің кейіпкеріміз – «Семей-қола» мүсіндік құю өндірісінің директоры, суретші-мүсінші Нұрбол Қалиев.
Өнер • 11 Қазан, 2023
Оны қазір әлеуметтік желіден жиі көреміз. Ал шығармалары көбінесе шетелдік көрмелерде көбірек қойылып жүр. Мәселен, жуырда Аргентинаның бірнеше қаласында, Иракта, Түркияда, Италияда өткен көрмелерде туындылары көрсетілді. Өзі суретші болса да Суретшілер одағына мүше емес (оның да сыры бар), есесіне, шетелдік Суретшілер одақтарына мүше. Тақырыбы – әлеуметтік мәселе, аудиториясы ауқымды. Әр картинасында қоғамның бір шындығы жатады. Азаматтық ұстанымына сай ақылы сурет салмайды, шығармасын да сатпайды. Ол – суретші-аниматор Аңсаған Мұстафа.
Мәдениет • 11 Қазан, 2023
Өткен аптада Жамбыл облысы Шу ауданында «Мәдениет – асыл қазынам» атты мәдениет күндері өтті. Ұлттың салт-дәстүрі мен мәдениетін айқындайтын іс-шараға облыс әкімдігінің мәдениет, архивтер және құжаттама басқармасының басшысы Ерлан Жүнісбай, меценат Болат Сауранбаев, ақсақал Қасымхан Төлендиев, бүгінде бокстан ел мақтанышына айналған Батыр Жүкембаев сынды атақты шулық азаматтар қатысып, торқалы тойдың куәсі болды.
Көрме • 09 Қазан, 2023
Ұлттық музейде «Амандос Ақанаевтың әлемі» атты көрменің салтанатты ашылуы өтті. Аталған іс-шара Көркем академияның президенті Амандос Ақанаевтың 75 жылдық мерейтойына орай ұйымдастырылған. Экспозицияға суретшінің кейінгі жылдары салған және қалың көпшіліктің назарына ұсынылып үлгермеген 60-тан астам туындысы қойылды.
Мәдениет • 04 Қазан, 2023
Сурет те белгілі бір уақыттан кейін тарихқа айналады. Тіпті кей суреттер уақыттың қазанында қайнаған сайын құнды жәдігерге баланып жатады. Ел ішіне таралып, адамдардың жадында жатталып қалғандары да жетерлік. Көбінесе осындай танымал суреттердің авторын көп жұрт біле бермейді. Суреті әйдік, суретшісі белгісіз. Сондай әйдік суреттердің авторы, қазақ жұртында кенжелеу қолға алынған фотография саласын, жалпы, фотоөнер мәдениетін дамытуға атсалысқан қайраткердің бірі – Сайлау Пернебаев. Ол саналы ғұмырында фотоаппаратын иығынан тастамай, еліміздің әр түкпірін шарлап, әйгілі адамдарын, тарихи оқиғаларын, қас қағым сәттерін суретке түсіріп, сол қоғамның жанды бейнесін жасады. Әсіресе әдеби ортада тұлғалар образын қалыптастырды. Ол тарихи суреттердің бірін білсек, бірін білмейміз. Бүгін, міне, тұтас дәуірдің шежіресін жасаған Сайлау Пернебаевтың сандықтан шыққан суреттерін көріп, өткен күндерге сапар шегіп отырмыз.
Өнер • 03 Қазан, 2023
«ALEM SAZ»: жеті жұрттың өнері
Ел астанасы бүгінде халықаралық деңгейдегі мәдени іс-шаралардың алаңына айналды. Мұның айқын мысалы – күні кеше ғана аяқталған «ALEM SAZ» II Халықаралық музыка фестивалі. Алтын күздің айшықты жобасына теңелген фестиваль 27 қыркүйек пен 3 қазан аралығында елордалық көрерменге түрлі елдің түрлі аспаптағы музыкасынан шашу шашты. Атап айтсақ, Түркия, Жапония, Мажарстан, Германия, Пәкістан, Испания, Ресей елдерінің үздік өнерпаздары қазақ сахнасында өнер көрсетті.
Театр • 03 Қазан, 2023
«Қозы мен Баянға» бас жүлде бұйырды
Қалибек Қуанышбаев атындағы мемлекеттік академиялық қазақ музыкалық драма театры Ғ.Мүсіреповтің «Қозы Көрпеш – Баян сұлу» музыкалық драмасымен Бішкек қаласында өткен «АРТ-ОРДО – 2023» халықаралық театр фестиваліне қатысты. Биылғы фестиваль КСРО Халық әртісі, қырғыз халқының көрнекті театр және кино актрисасы Бакен Қыдыкееваның 100 жылдығына арналды.
Көрме • 29 Қыркүйек, 2023
Лондон төрінде Гүлнұр Мұқажанова мен Айғана Ғалидың жеке көрмесі өтіп жатыр. Three Highgate галереясында өткен «La Makan, Cosmic Corporeality» көрмесінде суретшілер ата-баба тарихынан сыр шертіп, қазақ мәдениетін таныстырады.
Қоғам • 24 Қыркүйек, 2023
Елордада көрнекті жазушы, драматург, Мемлекеттік сыйлықтың лауреаты Оралхан Бөкейдің 80 жылдық мерейтойын атап өту іс-шаралары жалғасып жатыр. Еске салсақ, қаламгердің өмірі мен шығармашылығына арналған көрмеден басталған іс-шаралар легі дөңгелек үстел басындағы рухани жиынға ұласқан еді.
