Мәдениет • 05 Шілде, 2024
Словениялықтар сүйсінген «Спартак»
«Астана Операның» әйгілі балет труппасы Люблянадағы 72-халықаралық жазғы фестивальда словениялық көрерменнің жүрегін жаулады. Фестиваль ұйымдастырушыларының шақыруымен қазақстандық ұжым 1-2 шілдеде көпшілікке Арам Хачатурянның «Спартак» балетін ұсынды. Бұл гастрольдік сапар Мәдениет және ақпарат министрлігінің қолдауымен жүзеге асырылып отыр.
Қоғам • 03 Шілде, 2024
Жуырда ғана «Mazmundama» баспасынан «Дина Нұрпейісова кім?» «Оралхан Бөкей кім?» «Мәншүк Мәметова кім?» «Жақсылық Үшкемпіров кім?» деген кітаптар жарық көрді. Аталған баспа «Ол кім?» сериясымен бұған дейін де қаншама қазақтың нар тұлғаларын таныстырып жүргені көпшілікке белгілі. Танымдық сипаттағы еңбек өскелең ұрпаққа ұлтымыздың таудай тұлғаларының өмірінен сыр шертеді. Оқырман арасында кең таралып жатқаны да мәлім.
Өнер • 27 Маусым, 2024
Айғана Ғали есімі қазақ қызы батыс елдеріне кеңінен танымал. Өзі қаншама жылдан бері Лондонда тұрса да, көрмелері шетелдің белді галереяларында өтсе де, суретші шығармашылығының түпқазығы – дала. Қазақтың ұлттық сарыны – Айғана Ғали қылқаламына негізгі арқау.
Руханият • 26 Маусым, 2024
Тұп-тура бір ай бұрын ғана газет бетінде Данияр Саламаттың Бейімбет Майлиннің шығармалары желісімен түсірілген «Талақ» фильмі үлкен додада бақ сынайтынын жазып, көңіліміз күпті болып жүрген. Міне, күні кеше ғана Шанхайдан сүйінші хабар келіп, өнерсүйер дүйім жұрт қатты қуанды. Қазақ кинокартинасы әлемнің үздік 14 фильмін басып озып, бас жүлдені қоржынға салды. Мәдениет және ақпарат министрлігінің тапсырысы бойынша Ұлттық кино орталығының қолдауымен түсірілген туынды ХХVІ Халықаралық Шанхай кинофестивалінің (SIFF) толықметрлі фильм аталымының «Алтын кубогін» жеңіп алды. Сондай-ақ актриса Амира Омарова «Ең үздік әйел рөлі» аталымында жұлдызы жанды.
Мәдениет • 26 Маусым, 2024
«Қазақ концерт» – Қытай төрінде
Роза Бағланова атындағы «Қазақконцерт» мемлекеттік академиялық концерттік ұйымының әртістері мен шығармашылық ұжымдары 20-22 маусым күндері Қытай Халық Республикасының Дэчжоу және Ланфан қалаларында өнер көрсетті.
Қоғам • 26 Маусым, 2024
Кейінгі жылдары Түрікменстан мен Қазақстан арасында мәдени-рухани байланыстар жандана түсті. Тереңнен толғасақ, екі ел халықтарын түркі, оғыз дәуірінен бастау алатын түрлі тарихи кезеңдер байланыстырады. Мәдени-рухани мұрасының ұқсастығы, туыстық тақырыбы да өте ауқымды. Иә, түрікмен мәдениетінің қазақ мәдениетімен көп ұқсастығы бар. Ежелгі заманнан бері халықтарымыз бір-біріне қолдау көрсетіп, бейбітшілік пен келісімде өмір сүріп келеді. Екі елді ортақ шекара, тарих, дін, мәдени құндылықтар, дәстүрлер мен әдет-ғұрып біріктіреді.
Қоғам • 25 Маусым, 2024
Қазақстан – Беларусь: Мәдени байланыс нығая түседі
Мәдениет және ақпарат министрі Аида Балаева Беларусь Республикасының Қазақстандағы Төтенше және өкілетті елшісі Павел Утюпинмен кездесті. Жиын барысында тараптар мәдени өзара байланыстың негізгі мәселелерін және елдер арасындағы ынтымақтастықты талқылады.
Қоғам • 24 Маусым, 2024
Жазғы демалысқа шыққан балалардың бір ермегі – оқу. Осы орайда оқушылардың оқуға деген қызығушылығын арттыру мақсатында еліміздің республикалық, облыстық және қалалық деңгейдегі кітапханалары жазда жалпы саны 41 922 іс-шара өткізбек.
Өнер • 21 Маусым, 2024
Бізге өзге жұрттан өнері асқан талантты жандардың бәрі үлкен қалаларда өмір сүретіндей көрінеді. Суретшілердің картиналары да тек мегаполистердегі мұражайларда ілініп тұратынына көз үйренген. Ал сонау шалғайдағы Бөдене ауылында (Атырау облысы) бір суретші өз галереясында сурет салып отыр дегенге кім сенеді?
Өнер • 20 Маусым, 2024
Да Винчидің «La Bella Principessa» картинасы Ұлттық музейдің төріне келгелі әйгілі туындыны өз көзімен көруге асыққандар көп болды. Тіпті бұл мүмкіндікті қалт жібермей, Астанаға әр өңірден ағылған адамдар да аз болмады. Аңызға айналған суретшінің түпнұсқа шығармасын тамашалаған өнерсүйер жұрт әлеуметтік желіге әсерлерін бөлісіп жатты.
