Кәсіпкер • 20 Ақпан, 2024
Кәсіп бастағандарды мемлекет тарапынан қолдау аясы жыл сайын артып келеді. Өткен жылы Қызылорда қаласының өзінде ғана «Кәсіпкерлікті қолдау» ұлттық жобасы аясында «Жұмыспен қамту орталықтары» арқылы берілетін 1 млн 380 мың теңгелік грантты 459 адам алыпты. Жұмыссыз немесе ісін жаңа бастаған кәсіпкер, қандас, мүгедек жандар немесе мүгедектігі бар бала асыраушылар, аз қамтылған отбасы, көпбалалы отбасының мүшелері бұл қолдауға ие болу үшін «Бастау Бизнес» сертификатын иеленді. Солардың бірі – қала іргесіндегі Сабалақ саяжайынан жылыжай ашқан Дархан Қалибеков.
Сайлау • 16 Ақпан, 2024
Ашық сайлау – стратегиялық мәні айрықша міндеттің бірі. 2023 жыл сайлау жүйесіне елеулі өзгеріс әкелген жыл ретінде тарих қойнауына енетіні анық. Жыл басында Парламент Сенатының сайлауы өтті, наурыз айында Парламенті Мәжілісі мен мәслихат депутаттарын таңдадық. Мемлекет басшысы Қасым-Жомарт Тоқаев «сайлауды ашық әрі әділ өткізу дәстүрі жалғасады» деп сайлау үдерісінің саяси салмағы артатынын айрықша атап өтті.
Аймақтар • 16 Ақпан, 2024
Сұйытылған газ: Өндірушіге де, тұтынушыға да қолайлы шешім бар ма?
Сыр топырағында өткен ғасырдың тоқсаныншы жылдары алғашқы мұнай тоннасы игеріліп, екі мыңыншы жылдар басында аймақ тұрғындары жер қойнауынан «қара алтынмен» қатар шығатын ілеспе газдың игілігін көре бастады. Осылайша, бұрын айдалада алау болып жанып жататын шикізат 124 шақырымдық «Ақшабұлақ-Қызылорда» газ құбыры арқылы облыс орталығына жетті. Кейін индустриялық-инновациялық жобаларды жүзеге асыру бағдарламасы шеңберінде екінші газ өңдеу зауыты салынып, «Қазгермұнай» БК» ЖШС бастамашы болған істің аясы кеңейе түсті.
Жоба • 01 Ақпан, 2024
Алдын ала жасалған болжамдар осы жылы да Сырдария арнасындағы су деңгейінің ойдағыдай болмайтынын көрсетіп тұр. Осыған байланысты биыл Сырда күріш былтырғыға қарағанда 5 мың гектарға аз егіледі.
Құқық • 01 Ақпан, 2024
Еліміздегі омбудсмен институтына 20 жылдан асты. 2002 жылы Президент Жарлығымен құрылғанымен де, демократияға ұмтылатын мемлекеттің міндетті элементі ретінде адам құқықтары жөніндегі уәкіл институтын жандандыру бастамасы кейінгі жылдары ғана қолға алынды.
Энергетика • 31 Қаңтар, 2024
Желі жаңарту – жеңіл жұмыс емес
Былтырғы қаңтардың алғашқы күні жауындатып, қоян жылы қарбаласпен басталып еді. Облыс орталығының кейбір ауданы мен бірқатар ауылдық елді мекенде жарық өшіп, жылу, ауыз сумен қамту қызметтері де кідіріске ұшыраған. Жалпы, кейінгі жылдары сәл жел тұрса, жарықтың жалп ете қалуы жиілеп кетті. Жазғы аптаптың кезінде де кенет сөніп, елді әбігерге түсіріп қоятыны тағы бар. Электр энергиясын таратушы компания өкілдері де мұны жоққа шығармайды.
Аймақтар • 17 Қаңтар, 2024
Сырдария арнасы кейінгі жылдары елді алаңдатып-ақ тұр. Бұрнағы жылдары жазда солып аққан өзен қыста толып, лықсыған мұз арнадан асып, жұрт әбігерге түсіп жататын. Қазір ол ұмытылды. Торғай миын қайнатар жазда жылғасы жылтырап қалса, қыста да бұрынғы жағалауына жете алмай жүр. Осыдан да көлден балық сүзгендер мен несібесін жерден тергендер «Балықшы күнде – арманда, егінші жылда – арманда» дегеннің кебін киіп отыр.
Экология • 11 Қаңтар, 2024
Жалпы кезінде жарыса аққан Әму мен Сыр қатар толтырған теңіздің кешегісін көріп, айдынында жүзгендердің әңгімесін тыңдасаңыз қазіргі Кіші Аралды кәдімгідей қомсынып қаласыз. Дегенмен де ұшан теңіздің осы алақандай пұшпағын аман алып қалу оңай болған жоқ. Жергілікті жұрт сонау 1989 жылы-ақ ұлы теңізден бөлінген айдынның алдын әлденеше рет бөгеп, суы аса тұзданып, тіршілігі тоқтауға жақын қалған шалқар суды сақтап қалудың қамын жасаған. Бірақ су молайып, тұздылығы азайған жойқын су құмнан тұрғызылған бөгетті әлденеше рет шайып, талай мәрте еңбек еш кетті. Ұлы теңізге құлаған мол сумен бірге мыңдаған тонна балық ығып, ащы суда қырылып қалды.
Медицина • 10 Қаңтар, 2024
Дер кезінде дәрігерге қаралса, қай аурудың да алдын алуға болады. Дегенмен сырбойылық дәрігерлер кейінгі жылдары аймақта бүйрек ауруына шалдыққандар арасында жастардың қатары артып бара жатқанына алаң болып отыр. Экологиялық аймақ саналатын өңірде оның себебін де алыстан іздеудің қажеті жоқ. Сондықтан да дер кезінде скринингтік зерттеулерден өткен дұрыс екенін айтады мамандар.
Кәсіпкер • 09 Қаңтар, 2024
Қызылорда қаласының іргесінен орын тепкен Бесарық – жұрты жаңалық пен жақсылыққа жұмылған ауыл. Бүгінде Сырдария ауданына қарасты бұл ауылдағы әр шаңырақ мал ұстап, облыс орталығын етпен қамтамасыз етіп отыр. Жыл тоғысында осы берекелі Бесарықта бөдене фермасы ашылды.