Құтқарушы • 18 Сәуір, 2023
Күн сәулесі ұзарып, жер кеңи бастаған көктемнің керім сәті сап тыйылды да, күн күрт суытты. Жұрт «бесқонақ басталды, сәуірдің өзі тәуір, 5 күні ауыр» десті. Артынша аласұра соққан адасқақ жел қарлы боранға ұласып, әп-әдемі дүниені ұршықтай үйіріп әкеліп қаңтардың қақ ортасына тастай салғандай болды.
Фотогалерея • 17 Сәуір, 2023
Қостанайда суретші Аңсаған Мұстафаның «Сөйле, сурет!» атты көрмесі ашылды. Облыстық сурет галлереясына қылқалам шеберінің 60 шақты туындысы ілінген. Ақ кенепке тамған қара бояудың бәрі сөйлеп тұр десе болады. Әр туындының өз үні, өз жүгі бар: бірі қазіргі қоғамды алаңдатып отырған сан алуан келеңсіз дүниелерді мінейді, енді бірі қоғам назарын бала тәрбиесінде кетіп жатқан кем-кетік мәселелерді меңзейді.
Денсаулық • 16 Сәуір, 2023
Қызылшаға қарсы екпе жүріп жатыр
Қостанай облысында қызылша жұқтырған екі жасар бала тіркелді. Дәрігерлер сәбидің анасы жұқпалы ауруға қарсы вакцина егуден бас тартқанын айтып отыр. Оның үстіне бала наурыз айының 18-і мен 20-сы аралығында Ресейде болған.
Аймақтар • 16 Сәуір, 2023
Қостанайда «RealtyKST» автоклавты газблок зауыты ашылды. 70-тен астам адамды жұмысқа орналастырған кәсіпорын жылына құрылысқа қажет 75 мың текше метр өнім шығармақ.
Аймақтар • 13 Сәуір, 2023
Шаршы тақта шеберлерінің челленджі
Қостанайда әуесқой шахматшылар арасында ашық турнир өтті. Жарысты «Шахмат ойыны» республикалық челленджі аясында облыстық білім басқармасы және балалар мен жасөспірімдерге арналған шахмат мектебі ұйымдастырып отыр.
Қаржы • 13 Сәуір, 2023
Жайылымнан таршылық көріп отырған ауылдағы ағайынның жағдайы талайдан бері айтудай-ақ айтылып келеді. Бірақ бұдан шығып жатқан нәтиже аз. Өйткені егінінің етегі ауылдың іргесінде жатқан шаруа жалға алған жерін кезінде заң күшімен бекіттіріп алған. Алайда енді егін алқаптары алқымынан қысып тастаған ауылдардың айналасы аршылып, қарапайым халықтың қолындағы азын-аулақ малдың өрісі кеңейетін күн де алыс емес сияқты.
Аймақтар • 12 Сәуір, 2023
Қостанай қазанатын жоғалтып алмайық
Ғасырдан астам тарихы бар Қостанай жылқы зауыты жабылып қалуы мүмкін деген әңгіме желдей ескелі бірнеше жылдың жүзі болды. Мәселенің анық-қанығын білмекке зауыт басшысы Айгүл Амандықоваға хабарласып, «Қазақ тұлпарының» қазіргі жай-күйін көзімізбен көріп, өзіңізбен сөйлескіміз келеді деп едік, ол кісі «Қазір сұхбат бермеймін, біз туралы ештеңе жазбаңыз!» деп ат-тонын ала қашты. Осылайша, ұялы телефонына жіберген 16 сауалымыз да жауапсыз қалды.
Су тасқыны • 07 Сәуір, 2023
Қарасу ауданындағы Тінтуір өзені тасып, кемерінен асқан су Қарамырза ауылына кіріп кетті. Облыстық ТЖД мамандары су басқан елді мекендегі 35 тұрғын үйдің қауіпті аймақта қалғанын, Набережный көшесінде апаттық-құтқару жұмыстары жүргізіліп, 15 адам, оның ішінде 8 бала эвакуацияланғанын мәлімдеді.
Қоғам • 06 Сәуір, 2023
Биологиялық қауіпсіздік – елдің қауіпсіздігі
Төрт түлікке жұғатын түрлі кеселге қарсы вакцина егу науқаны өңірде әдетте қаңтарда басталып, сәуірде аяқталады. Өйткені көктемгі көктің иісі бұрқ ете қалса, малды ұстау қиын болып кетеді. Бүгінде облыста шамамен 420 мыңның үстінде ірі қара, 440 мыңдай ұсақ мал, 160 мың бас жылқы бар. Оған 95 мыңдай талпақ танауды қосыңыз. Осыншама малға 526 ветеринар 13 түрлі аса қауіпті ауруға қарсы екпе жасап шығады.
Өндіріс • 05 Сәуір, 2023
Өңірдегі санаулы ірі шаруашылықтар шалғай ауылда да өндіріс ашуға болатынын дәлелдеп жатыр. Мәселен, Ұзынкөл ауданына қарасты Новопокров елді мекеніндегі «Тойсай» серіктестігі өткен жылы 600 бас сауын сиырға арналған заманауи сүт фермасын ашып, ауылдағы ағайынның ырыс-несібесінің молаюына жол ашып отыр. Шаруашылықтың шағын цехынан шығып жатқан «Тойсай» күнбағыс майы да жергілікті өнімнің жалпы үлесінің еселенуіне сеп.
