Еңбек • 10 Қаңтар, 2024
Еңбектің үлкен-кішісі жоқ. Бұл қағидатты әр адамның санасына сіңіру маңызды. Тауықтың жұмыртқасын сатып та табысқа жетуге болады, тек ерінбесеңіз болғаны... Ал Құдай қолына өнер берсе, оның да игілігін көрген абзал. Мәселен, талдықорғандық кәсіпкер Ерлік Жақсылық мемлекеттік қолдауымен ағаштан ыдыс-аяқ жасайтын шағын цех құрды. Оның жасаған бұйымдары көтерме саудада үлкен сұранысқа ие.
Аймақтар • 08 Қаңтар, 2024
Отандық өнімге – айрықша назар
Кейінгі жылдары елімізде лак-бояу материалдары нарығы айтарлықтай өсті. Республикада импорт өнім азайып келеді, ал елде жұмыс істеп тұрған компаниялар мен концерндер өз дистрибьюторлық желілерін дамытып отыр. Осы ретте Мәжіліс депутаты Руслан Қожасбаев Жетісуға келіп, «Алматинские краски» ЖШС компаниясының жұмысымен танысты.
Медицина • 04 Қаңтар, 2024
Жедел жәрдем көліктен тарықпайды
Өткен жылы Жетісудың шалғай ауылдарын медициналық көмекпен қамтамасыз ету үшін 27 блокты-модульдік медициналық пункт орнатылды. 2025 жылға дейін осындай 35 нысан тұрғызылады. Қазір өңір тұрғындары бұрынғыдай қалаға көп сабылмайды. Іргедегі емханаға жүгініп, арнайы көлікпен орталыққа қатынайды. Осы ретте жаңа жыл қарсаңында облыстық медициналық ұйымдарының автопаркі 29 жаңа жедел жәрдем көлігімен толықты.
Кәсіпкер • 28 Желтоқсан, 2023
Кәсіп жынысқа бөлінбейді, қазір ерімен қатар әйелдің де жеке шаруамен айналысуға мүмкіндігі мол. Оның үстіне бұл тарапта мемлекеттен берілетін көмек те орасан. Мәселен, Жетісуда шағын және орта кәсіпорындардың жартысына жуығын әйелдер басқарады. Үй шаруасынан бөлек, қоғамға пайдасы зор кәсіпті тізгіндеген қыз-келіншектер облыстың әлеуметтік деңгейін көтеруде маңызды рөлге ие. Қазір өңірде екі жүзге жуық кәсіпкер қыз-келіншек бар.
Аймақтар • 25 Желтоқсан, 2023
Қазір талдықорғандықтар Жетісудың орталығын шағын шаһар санамайды. Зәулім үйлер мен әсем ғимараттар жыл санап артып, жаңа шағын аудандар түрленіп келеді. Жылдар бойы қордаланып қалған тұрғын үй мәселесі де шешімін тауып жатыр. Маңайындағы ауылдар мен саяжайлар көгілдір отынға қол жеткізіп, ауыз сумен қамтамасыз етілді. Қала басшысы Ернат Бәзіл халық ішінде жүр, әрбір тұрғын мәселесін әкімге ашық айта алады.
Айбын • 20 Желтоқсан, 2023
Осыдан бес жыл бұрын құрылған «Жас сарбаз» қозғалысы балалар бойында мектептен бастап ұлттық рух ұялатады. Еліміздің барлық өңірінде жасақталған ұйым оқушыларға денешынықтырумен еркін айналысуға мүмкіндік береді. Ең бастысы, жастайынан әскери мамандықтарды игеруіне жол ашады. Бұл ұйым Қорғаныс министрлігімен бірлесіп, патриоттар тәрбиелеу ісіне белсенді атсалысып келеді. Бүгінде географиясы кеңейіп, құрамы 280 мың тәрбиеленушіге жеткен.
Жәдігер • 14 Желтоқсан, 2023
Жетісудың қияқ пен ұшқат, жусан мен алаботасына дейін елжірей жырлаған Ілияс Жансүгіровтің мұрасының жаңа парағы ашылып отыр. Туған жерге деген перзенттік махаббаты, табиғатқа деген дарқан мейірі, парасат биігінде шалқыған көл-көсір сезімі архивтен ақтарылып жатыр. Күні кеше кинорежиссер Ербол Бораншаұлының жеке кітапханасынан құлагер ақынның төте жазумен жазылған «Өтірік» атты өлеңдер жинағы табылды.
Білім • 14 Желтоқсан, 2023
Қандай жағдайда да бала білім алуға міндетті. Сондықтан қоғамды екіге бөлмей, мүмкіндігі шектеулі оқушыларға да жәрдем берудің жолын жасау шарт. Осыған орай Талдықорғанда «1000 мектепке әдістемелік қолдау» жобасы аясында мектеп басшыларын әдістемелік тұрғыда сүйемелдеу және «Білім сапасын мониторингілеу – мектепішілік бақылаудың тиімді құралы» атты өңіраралық семинар өтті.
Мирас • 13 Желтоқсан, 2023
Жетісу жерінде ондаған елдің өнерпаздарының басын қосқан айтулы өнер додасы өтті. Ісмерлердің еңбегі Талдықорған төрінде көпке ұсынылып, білікті қазылардың таразысына салынды. Алғаш ұйымдастырылған халықаралық «Жетісу өнері» көрмесіне жүзге тарта туынды ұсынылған. Ең ғажабы, жас дарындармен қатар көпке танымал қолөнер шеберлері де бақ сынады.
Субсидия • 12 Желтоқсан, 2023
Жетісуда ауыл шаруашылығы саласында субсидия беру кезінде қателік көп кездеседі. Мәселен, шағын және орта бизнес өкілдерінің техника алуға сұранысын басқарма бірнеше рет кері қайтарған. Тек антикордың араласуымен ғана мәселе шешілген. Өңірлік ауыл шаруашылығы басқармасы ескірген техникалар туралы мәлімет беруден қашқақтап отыр. Одан бөлек, мемлекеттік сатып алу ісінде де сыбайлас жемқорлық меңдеп тұр.
