Сұхбат • 28 Наурыз, 2024
Хұсейн ӘМІР-ТЕМІР: Алдымен шахтер, кейін актер болдық
«Өнерден өзге ойы жоқ». Белгілі театр сыншысы, марқұм Әшірбек Сығай кезінде режиссер, Қазақстанның еңбек сіңірген қайраткері Хұсейн Әмір-Темірдің азаматтық болмысы мен театрдағы тегеурінді еңбегіне дәл осылай баға берген екен. Дөп сөз! Өйткені қашан жолықтыра қалсаң да, әңгімесін әріден, сахна сырынан терең суыртпақтайтын сырбаз жанның өнер десе көңілі де өзгеше өрекпіп тұрады. Сексеннен асса да, сергек қалпын жоғалтпаған сахна саңлағы әлі де театрын туған баласындай өбектейді. Кездесудің сәтін көптен бері орайластыра алмай жүрген кейіпкерімізді Қызылордадан Астанаға келген сапарында арнайы іздеп барып, әсерлі әңгімесін тыңдап қайттық.
Мәдениет • 17 Наурыз, 2024
Адамға есімнің өзі тегін қойылмаса керек. Тәрбия ныспысын иеленген бүгінгі кейіпкеріміздің барлық өмірлік мақсаты да негізінен осы бір асыл мұратпен астасып жатқандай. Жиырма бес жылдан аса ғұмырын қазақтың ұлттық киімін ұлықтауға арнаған Тәрбия Айдымбаеваны бүгінде қазақты айтпағанда, алыс-жақын шетелдік сәнсүйер қауымның бәрі біледі, тегіс таниды десек, артық айтқандығымыз емес.
Кино • 13 Наурыз, 2024
«Өнердің екінші аты – жанкештілік» дегенді жиі айтамыз. Саф өнердің жолында өмірін бергендердің тағдырын танығанда, бұл ойымызға тіпті беки түсетініміз және рас. Соның бір мысалы – режиссер Толомуш Өкеев түсірген «Көксерек» фильмі һәм ондағы бас кейіпкер Құрмашты кемеліне келтіре кейіптеген актер – Қамбар Уәлиев.
Мирас • 12 Наурыз, 2024
Жетісудағы сан ғасырлық тарихы бар Жібек жолының маңызы қандай болса, Арқадағы атақты Қоянды жәрмеңкесінің де ел тарихынан алатын орны ерекше.
Өнер • 10 Наурыз, 2024
Өрелі өнер қашанда биік. Ал ол шыңға шығу екінің біріне қол емес. Өнерден өрнек тудыра бірлген талантты актер, Қазақстан Жастар одағы «Серпер» сыйлығының лауреаты Олжас Жақыпбектің «Олжас және достары» атты авторлық кешіне барып, әртістің әуезді әндеріне көңіл қойғанда өнерде шекара болмайтындығына тағы бір мәрте көз жеткізе түскендей болдық.
Тұлға • 10 Наурыз, 2024
«Әміре ән салғанда, қандай күшпен, айқаймен бірнеше әндер айтқанда, түсі бұзылмас еді. Күшпен айтатын әндерді айтарда, барлық демін бір-ақ жиып алатын. Оң жақ алқымында мойнының қалтасы бар еді. Соған бар демді толтырып ап, үнемдеп шығарып көпке дейін демалмайтын. Әміре әнді ылғи сүйіп, ұнатып, өзі әнге ғашық болғандай боп айтатын. Халық көп болса, делебесі қозып кететін. Құйындай ұйытқып, құландай ойнақтап жүйткіп, дабылдай саңқылдап, кішірек театрға сыймай, далада болса жер мен көктің арасын жаңғыртар еді. Аса көтеріліп ән салғанда, жеке келе жатқан бәйге атындай жарқылдап, ойнақтап кетер еді».
Кино • 04 Наурыз, 2024
Бейәдеп сөз болмысымыздың көрінісі ме?
Кино деген кірпияз сала бар. Талғам мен танымның үздіксіз жарысы. Әр ұлттың түсірген киносына қарап, оның ішкі рухани, мәдени һәм идеологиялық әлеуетінің қандай екендігін бағамдай беруге болатын шығар. Өйткені экранды мемлекеттік идеологияның қаруы ретінде қолдану – үздіксіз жүріп келе жатқан үдеріс. Мәселен, басқасын айтпағанның өзінде, жыл сайын Оскар сыйлығына ұсынылатын америкалық фильмдерді алайық. Мұқият назар аударсаңыз, олардың астарынан міндетті түрде сол елдің жүргізіп отырған саясатының белгілерін көруге болады. Бұл тек Америка фильмдеріне ғана емес, барлық алпауыт елдердің киносына тән құбылыс.Сондықтан «Кино – ұлттың айнасы» деп жиі толғанып, торығатынымыз бекерден бекер болмаса керек.
Таным • 29 Ақпан, 2024
Қарсы алдымыздан қасқая қарсы алған бейнеден көз алмай тұрып қалыппыз. Керілген кенепте кескінделген керім картинадан сұлулықпен қатар суықтықтың да салқын лебі қатар есетіндей. Бірде таңғалдырып, бірде бойды тоңдырған бейненің бар құпиясын қылқалам ұшына сыйдырған суретші талай сырды сөйлеткісі келгендей ме? Қай жағынан келіп қарасаң да, буырқанған бояу астарына жасырынған ақиқат сыртқа ақтарылардай атқақтап тұр. Тылсымына бойлап, жұмбағын шеше алсақ, қанеки!
Театр • 29 Ақпан, 2024
«Асауға тұсаудың» бел-белестері
Әлемдік классиканың алтын қорынан ойып орын алған ағылшын драматургі У.Шекспирдің «Асауға тұсау» комедиясы қазақы табиғатпен етене үндесетін бірегей туындылар қатарында. Ұлттық сахнада ең алғаш 1943 жылдың 16 қазанында Мәскеудің А.Луначарский атындағы театр өнері институтының мұғалімдері О.Пыжова мен Б.Бибиковтың қолтаңбасында көрермен назарына ұсынылған комедия жылдармен бірге жаңарып, түрленіп, 80 жылдан аса уақытты артқа тастаса да, көрермен қызығушылығын бір сәт те бәсеңсіткен емес.
Тұлға • 25 Ақпан, 2024
Сегіз қырлы, бір сырлы. Дәл осы теңеу Қазақстанның еңбек сіңірген әртісі, көрнекті театр және кино актері Асылболат Смағұловтың болмысын дәл беретіндей. Бір басына мың сан өнерді тоғыстырған талантты жан әртістік әлемде ғана емес, мүсін мен музыка, саз бен сурет кеңістігінде де айшықты қолтаңбасын қалдырды. Қалибек Қуанышбаев атындағы мемлекеттік академиялық қазақ музыкалық драма театрында өткен әлемі әдемі әртістің «Түс. Ұйқысыз түндер» перформанс көрмесін тамашалағаннан кейін әлемтапырық күйге түскен көңіліміз ұзақ уақыт өз әсерінен босатпады.
