Қоғам • 27 Қыркүйек, 2025
Отандық жеке кәсіпкерлердің жартысынан көбі – әйелдер
Елдегі шағын және орта бизнес кәсіпорындарының 48,2%-ын әйелдер басқарса, жеке кәсіпкерлер арасында әйелдердің үлесі 53,4%-ға жетті. Бұл туралы Алматыда өткен «BeWoman Asia – 2025» форумында айтылды. Биылғы форум «The Power of Generations/Ұрпақтар күші» ұранымен басталып, онда жасанды интеллект, ESG және тұрақты инвестициялар, әйелдер кәсіпкерлігі, қаржы, экономика мен мәдени дипломатия тақырыптары сөз болды.
Энергетика • 27 Қыркүйек, 2025
Еліміз бір атом электр стансасын салумен шектелгісі келмейді. Мұндай ұстанымды Мемлекет басшысы жеткізді. Айтуынша, Алматы облысында іргетасы қаланып жатқан жалғыз АЭС экономикалық тұрақты өсімге қол жеткізу жолында аздық етеді. Сондықтан екінші, тіпті үшінші атом электр стансаларының құрылысын жоспарлауға кіріскеніміз жөн деген еді Президент. Расында, жыл санап ядролық энергетикаға деген сұраныс еселеп өсіп келеді. Жаһандық үрдіске ілесу – уақыт талабы. Қазір ядролық технологияны пайдаланбайтын сала жоқтың қасы. Бұл – жартылай өткізгіштер өндірісі мен қауіпсіздік және бақылау жүйелері, сондай-ақ ауыл шаруашылығы, металлургия, ғарыш пен косметика өнеркәсібі. Осы орайда саладағы отандық ғылыми және өндірістік жетістіктердің бір парасын айтып өткен жөн.
Үкімет • 27 Қыркүйек, 2025
Жасанды интеллект – жаһан дамуының мүмкіндігі
Бүгінгі таңда жасанды интеллект пен цифрлық технологиялар адамзат тіршілігінің барлық саласына тың серпін беріп, жаңа даму көкжиектерін ашып отыр. Атап айқанда, экономикадан бастап, денсаулық сақтау, көлік, қаржы және білім беру секілді салаларда адам өмірін жеңілдетіп қана қоймай, болашақ өркениеттің негізгі тірегіне айналып келе жатқанын айқын көрсетеді. Әлем мемлекеттері осы үдеріске ілесіп, заманауи технологиялар арқылы өз әлеуетін арттыруға ұмтылып жатыр. Олардың қатарында біздің еліміз де бар.
Саясат • 27 Қыркүйек, 2025
Жаңашыл технологиялық үрдіс ел дамуының келешегін айқындайды
Мемлекет басшысы Қасым-Жомарт Тоқаев Ғылым және технологиялар жөніндегі ұлттық кеңес отырысына қатысып, сөз сөйледі. Президент сөзінің басында ғылым мен технология барлық мемлекет үшін стратегиялық маңызы бар мәселе екеніне назар аударды.
Қоғам • 27 Қыркүйек, 2025
Қызылордадағы Өнер орталығында «Жүйелі қайырымдылық: Тұрақтылық, серіктестік, мұра» тақырыбында IV Ұлттық қайырымдылық конференциясы өтті. Оның жұмысына облыс әкімі Нұрлыбек Нәлібаев, «Қазақстанның Азаматтық альянсы» ЗТБ президенті Бану Нұрғазиева, «Қазақстан халқына» қорының басқарма төрағасы Ләззат Шыңғысбаева, зиялы қауым өкілдері қатысты.
