Теннис • 11 Қаңтар, 2023
Үстел теннисінен биылғы жылғы әлем чемпионатының жалауы мамыр айының екінші жартысында Оңтүстік Африка Республикасының (ОАР) Дұрбан қаласында желбірейтіні белгілі.
Қоғам • 11 Қаңтар, 2023
Көптің көзінше түкірмеуді әдетке айналдырған боларсыз, енді қоғамдық орында балағат сөз айтудан тыйылуға тура келеді. Әйтпесе, 69 мың теңге айыппұл арқалауыңыз әбден мүмкін. Болмаса бұл құқық бұзушылық үшін 30 тәулікке қамауға алу жазасы қарастырылған. Қоғамның қызу талқысына түскен заңдағы бұл өзгеріс – бюджет бүйірін толтыру ма, әлде мәдениетті қоғам қалыптастыру қадамы ма?
Аймақтар • 11 Қаңтар, 2023
Қазіргі эпидемиологиялық маусымда тұмауратқандар санының өсімі өткен маусыммен салыстырғанда 1,5 есе артық делінген. Соның ішінде 14 жасқа дейінгі балалардың үлесі 65 пайыз болған. Биылғы алғашқы науқас 14 қазанда тіркелген.
Қаржы • 11 Қаңтар, 2023
Жеке тұлға банкроттығы: себебі мен салдары
Биыл 3 наурыздан бастап елімізде жеке тұлға банкрот болуға өтініш бере алады. Азаматтар «жеке тұлғаның банкроттығын» қолдану үшін үш түрлі нұсқаның бірін таңдай алады – соттан тыс банкроттық, сот банкроттығы және төлем қабілетін қалпына келтіру. 2022 жылғы 22 желтоқсанда Мемлекет басшысы «Қазақстан Республикасы азаматтарының төлем қабілеттілігін қалпына келтіру және банкроттығы туралы» заңға (Банкроттық туралы заң) қол қойды. Бірақ ол ресми жарияланғаннан кейін 60 күн өткен соң әрекет ете бастайды.
Әдебиет • 11 Қаңтар, 2023
Молдахмет Қаназ, жазушы: Дұрыс қоғам әдебиетті өгейсітпейді
– Біздің әдебиетіміздегі көптеген жақсы туынды кешегі кеңес өкіметі кезіндегі цензура, саясат деген боран-шашынның ішінде жазылса да, жақсы дүниелер өмірге келді. Ал қазір неге сол белесті бағындыра алмай жатырмыз? Жазуға құлық жоқ па, әлде тақырып таусылды ма? – Көзін құртып, түгелдей өртеу керек дегенді құлақ шалған емес, алайда сол кеңестік кезеңдегі шығармалар біздің былайғы өмірімізге жарамсыз деген «Американы қайта ашқан» пікірлерді ести бастағанымызға жиырма жеті жыл, алты ай, он жеті күн... Әдебиет теориясында «қоғамдық сұраныс» деген ұғым бар. Әр қоғамның өз мүддесі бұның сыртында. Қыз малға сатылып, болашақ ана бас еркінен айырылды. Біздің прозаның бастауында тұрған «Қалың мал» романының жазылуы содан. Ресейлік капитализм мүлде шегіне жете шіріп, төңкеріс қажеттілігі шындыққа айналды да қоғам бүлінді. «Ана» романы жазылды. Талантты ақын концлагерьге түсті. «Моабит дәптері» жазылды. Қала 872 күн қоршауда қалып, тұрғындардың бастарына күн туды. «Лениградтық өрендерім» жазылды. Ғасырлар бойы далалық дәстүрмен тіршілік етіп келе жатқан елге өндіріс келіп, кәдімгі жұмысшы табы пайда бола бастады. «Қарағанды» жазылды.
