Тұлға • 11 Қазан, 2023

Абзал азамат

Мемлекет басшысы Қ.К.Тоқаев Қазақстан халқына Жолдауын­да «Халық үніне құлақ асатын мемлекеттің» басты қағидаты – мемлекеттік аппарат азаматтар мүддесі үшін жұмыс істеуге тиіс. Бұл бірінші кезекте жергілікті билікке қарата айтылып отыр» деген болатын. Сондықтан өңірлердегі реформалардың нәти­желі болуы жергілікті басқарушы элитаға, оның сапасына байланысты. Осы ретте еліне қалтқысыз қызмет еткен мемлекетшіл тұл­ғалардың дара жолы – қазіргі және болашақ саяси мемлекеттік қызметшілер бой түзейтін та­ғылым болары айқын. Сондай тұлғалы азаматтардың бірі ретінде Ақтөбе өңірінің әлеуметтік-эко­но­микалық, қоғамдық-саяси са­лаларында басшылық қызмет­терде іскерлігімен, парасат­тылығымен ерекше із қалдырған, жұрт­шылықтың ықыласына бө­ленген Рамазан Нұржановты айтар едім.

Зерде • 11 Қазан, 2023

Қойсана ана

«Ханның бәрі Абылай емес, батырдың бәрі Ағыбай емес» деген екен бұрынғылар. Осы бір ауыз сөзден Ақжолтай атанған Ағыбай батырдың биік мәртебесін тануға болады. Талай-талай шайқастарда қасарысқан қас дұшпанды қаусата жеңген Ағыбай батырдың ісі аңызға, аты ұранға айналған еді. Елдің еркіндігі үшін қалың қазақты ұрысқа бастаған Ағыбай Қоңырбайұлы 1802-1885 жылдар аралығында өмір сүрген.

Таным • 11 Қазан, 2023

Әлемді сақтап қалған қолдар

Алдыңыздан әртүрлі ниет көлбеңдейді. Жалт-жалт етіп немесе тұнжырап, болмаса бір қалыпта шыға келген ет пен сүйек­тің қосындысы ғана емес, пейілдер төбе көрсетеді. Болмыс пен сана, көңіл мен жүрек иелері. Ақылды бастар, сезімтал жандар, өркөкірек кеуделер Алланың алдына барғанда бірдей ғой, бірақ. Қай-қайсысы болсын, қолдарын жайып мінәжат етеді. Жүрегі мен көңілін жайып құлшылық ете ме? Мәселе сонда сияқты. Сана-сезімі мен көкірегі қалай әмір етсе, соны қолымен істейді. Демек, қол... Аялы алақан болып маңдайыңнан сипаған да, өз жа­ныңдай аяулылардың жағасында кеткен де, сөйте тұра Тәңіріне жалбарынғанда жайылған да осы қолдар емес пе?

Ән • 11 Қазан, 2023

«Қорқыт-қобыз»

Қобыз үніне қазақтың бүкіл шемен-шері мен ішкі әлемі сыйып кеткендей көрінетіні рас. Имек мойын пішіндес құдіреті құпиямен астасқан көне аспапты қазақ халқы аңызға айналған Қорқыт әлемімен байланыстырып, сабақтастырып жататыны белгілі. Қобыздың шанағынан төгілген зарлы үн қазақтың бүкіл мұңын жеткізіп тұрғандай көрінетіні де шындық.

Өнер • 11 Қазан, 2023

Аңсағанның арманы

Оны қазір әлеуметтік желіден жиі көреміз. Ал шығармалары кө­бінесе шетелдік көрмелерде көбірек қойылып жүр. Мәселен, жуырда Арген­тина­ның бірнеше қаласында, Иракта, Түркияда, Италияда өткен көрмелерде туын­­дылары көрсетілді. Өзі суретші болса да Суретшілер одағына мүше емес (оның да сыры бар), есесіне, шетелдік Суретшілер одақтарына мүше. Тақы­рыбы – әлеуметтік мәселе, аудиториясы ауқымды. Әр картинасында қоғамның бір шын­дығы жатады. Азаматтық ұстанымына сай ақылы сурет салмайды, шығармасын да сатпайды. Ол – суретші-аниматор Аңсаған Мұстафа.