Руханият • 20 Қараша, 2019
Тәрбие мен оқытудың сабақтастығы
«Қазақстан тарихы» пәнінің басты ерекшеліктеріне тоқталар болсақ, бірінші мақсат – Қазақстан тарихын процесс тұрғысында, атап айтқанда, осы территорияда орын алған тарихи процестердің бірізділігі мен біртұтастығын сақтап, спиралдық даму негізінде біртұтас тарихи фактілерді қабылдайтын әлем картасын оқушыға игерту болды. Екінші мақсат – ежелгі дәуірден бүгінге дейінгі, атап айтқанда 1 млн жыл бұрын және XXI ғасыр аралығын қамтитын ұзақ мерзімді тарихтың әлеуметтік, мәдени, саяси, экономикалық қалыптасу және дамуының негізгі кезеңдерін оқытып қана қоймай, Ұлы дала көшпелілер өркениеті мен Қазақ мемлекеттілігі тарихын оқушылардың біртұтас қабылдауына қол жеткізу. Үшінші мақсат – Қазақстан тарихында өшпес із қалдырған тарихи тұлғалардың рөлін талдау, жүйелеу, сол арқылы қазақстандық патриотизмді қалыптастыру, осы тұлғалардай туған Отанына елеулі еңбек ету құндылығын оқушыларға жеткізу көзделді.
Руханият • 20 Қараша, 2019
Домбырадан тегін дәріс беріп жүр
«Жас келсе – іске» дейді дана қазақ. Жастық жігерін бойына жиып, ел игілігіне қызмет етуге келген жалынды жастарымыз аз емес. Сондай жастарымыздың қатарында Нұрлыбек Қайыржанов та бар.
Руханият • 20 Қараша, 2019
Билік қызметіне келуге әр адамның құқы болғанымен белгілі бір билік лауазымына оның дайындығы, білімі, біліктілігі, қабілеті, мінез-құлқы, адалдығы, әділдігі, тазалығы сияқты толып жатқан талаптарға жауап бере алатын мүмкіндіктері есепке алынары да белгілі. Өкінішке қарай, билік лауазымына ұмтылатын кейбір адам биліктің жоғары адамгершілік жауапкершілігінен бұрын оның үстемдігі мен артықшылықтарын көбірек ойлайды. Биліктің беделін түсіретіндер негізінен оған кездейсоқ, немесе өзінің әуел бастан мансапқорлық мақсаттарымен келетін лауазымдылар қызметтен кеткеннен соң оларды қоғам, халық түгілі өзінің төңірегіне жинағандары да ұмытып кетеді. Керісінше, биліктің биігінде жүргенде мейлінше елге адалдықпен қызмет етуге тырысатын тұлғалар да баршылық. Ондай азаматтар еңсесі көтеріңкі, беті ашық, жүзі жарқын, сөзі орынды, құрметке ие.
Аймақтар • 20 Қараша, 2019
Қызылорда қаласында «Жыр мұра» жобасының қорытынды концерті өтті. Облыстық мәдениет, архивтер және құжаттама басқармасы қолға алған жоба аясында биыл «Ұлы дала төсіндегі Сыр елінің фольклоры» атты экспедиция ұйымдастырылып, ел арасында сақталып қалған көне мақам-саз үлгілері, жырау-жыршылар дауыстары, дастан, толғаулар жинақталды.
Руханият • 20 Қараша, 2019
Батыс Қазақстан облысы Шыңғырлау аудандық тарихи-өлкетану музейінде тұрған осы жәдігер келушілердің назарын өзіне тартады. Теріден жасалған «шәйнектің» сырын бізге музей меңгерушісі, өлкетанушы Тілеген Қалиев айтып берді.
