Жансарай • 15 Қараша, 2024

Адам Бейімбет

Қайбір шығарма автордың көлеңкесі секілді. Жазушы жаратылысына қарай туындысы сондай болмақ. Бейімбет Майлин шығармалары бірде біртоға, бірде салқынқанды, бірде бұрқасынды кепке түседі. Бейімбет болмысы, Бейімбет мінезі, жалпы адам Бейімбеттің тұрпаты оқырманға жұмбақ.

Жансарай • 15 Қараша, 2024

Абыл Кекілбаев: Бір түнде үйдің еркесінен үлкен адамға айналдым

Ұлт руханиятына өлшеусіз үлес қосқан тау-тұлғалардың ұрпақтары да жақсының көзіндей көңілге ыстық көрінеді. Әсіресе ата мұрасына адалдық танытып, шығармашылығының шамын жағып жүрген шырақшы ұлдарға құрмет бөлек. Солардың бірі – Халық жазушысы, мемлекет және қоғам қайраткері Әбіш Кекілбайұлының тұңғыш немересі Абыл. Абыз жазушының биылғы 85 жылдық мерейтойы қарсаңында атадан қалған мол мұраны бүтіндеп, кейінгі ұрпаққа шашауын шығармай жеткізу жолында шапқылап жүрген Абыл Кекілбаевпен сұхбаттасудың сәті түсті.

Жансарай • 09 Қараша, 2024

Нұрлан Санжарұлы: Өр Алтай – өмірімнің бір кезеңі

Күні кеше ауыл көшесінде доп қуып, бұзау қайырып жүрген бала күнді кім сағынбасын. Кейбір кезде мүмкін емес болса да, сонау бір алаңсыз шаққа, балалық баққа тартып кеткің келеді. Ондайда қара шаңырақтағы қоңыр альбомды ашып, ескі суреттерді парақтаймыз. Одан қалса, интернеттен «Менің атым – Қожа» фильмін іздейміз. Оны іздейтініміз, бала күнге деген алып-ұшты сағынышты басады. Сол үшін де шығар, қанша көрсек те жалықтырмақ емес. Кеше фильмдегі басты кейіпкер «Қожамен» қатар отырып, әңгімелестік. Атүсті емес, ерке Ертістің жағасында емен-жарқын Нұрлан Санжарұлы сыр ақтарған. Өзеннен күздің салқын самалы есіп тұрды.

Жансарай • 02 Қараша, 2024

Тұңғыш кәсіби режиссер

95 жылдық мерейтойын атап өткелі отырған Шымкент қалалық Ж.Шанин атындағы академиялық Қазақ драма театры еліміздегі ең алғашқы «кәсіби мамандар театры» есебінде тарих бетіне алтын әріппен жазылып қала бермек. Кәсіби маман сөзі бүгінде қалыпты саналғанымен, өткен ғасыр басында оны алып шығу екінің біріне бұйырмаған бақыт болатын. Жұмат Шанин – қазақ театрының негізін қалаған реформаторы болса, Халел Шәженов – Ресейдің мойындалған әйгілі оқу орнынан режиссер атанып шыққан тұңғыш қазақ.

Жансарай • 29 Қазан, 2024

Боямасыз өмір

Қасым аға! Өмірінде пендешіліктен ада, шешенсіп көзге түсуден аулақ, қашан көрсең де қариялылықты қадір тұтып, ақсақалдыққа адал болып жүрген жан ол. Бұл кісінің осы қасиеттерін көргенде: «Сөз еткелі отырған кейіпкеріміздің бойындағы мұндай тұрақтылық пен бірқалыптылықтың сыры неде?» деген сұрақ келеді көкейімізге. Кезінде осыған жауап іздеп, «Дегдар» атты портреттік очерк пен «Бір өмірдің үш беті» деген мақала жазғанымыз бар. Бірақ сол туындыларымыздың өзінде ағамыздың болмыс-бітімін толық ашып бере алдық дей алмаймыз. Сондықтан жоғарыдағы жазбаларымыздың «кем-кетігін» толықтыру ретінде осы ғазиз жан жөнінде қолымызға қайта қалам алып отырмыз. Мақсат: өмір деген ұзақ жолда көргені көп, қым-қуыт мына тіршілікте жиған тәжірибесі мол, ХХ және ХХІ деп аталатын қос ғасырдағы күрделі оқиғаларға куәгер оның әр кездері біздерге айтқан сирек жайттарға толы сөздерін бүгінгі ұрпаққа еш қоспасыз жазып, жеткізу.

Жансарай • 18 Қазан, 2024

Мақсат ТӘЖ-МҰРАТ: «Ой кіргелі тимеді ерік өзіме»

Әдеби ортада жұрт көзінен жырақ, думанды жиындарда ­сирек көрі­нетін, десек те жазуы жүйрік қаламгерлер бар. Әсіре­се қалып­тас­­қан өзіндік тақырыбы, тосын жанры, қалам машы­ғы, жазу стилі, тың пайымы автордың бөлек болмысын баян ете­ді. Мұндай бөлек болмысты шығармашыл жандардың ойы да, сөзі де, өмір сүру ере­­жесі де бөтен болады екен. Бүгін та­ным­дық тақырыпта тол­­ғам­ды еңбек жазып жүрген қаламгер-эссеист, ғалым, Қазақстанның еңбек сіңірген қай­рат­кері Мақсат ТӘЖ-МҰРАТПЕН әңгіме­лесу­дің сәті түс­ті. Әрине, алғашқы сөзімізді тарихи туындыларынан бастадық.

Жансарай • 18 Қазан, 2024

Білім мен дәстүр тоғысы

Ғылымның уақыт талабына сай дамуына кең жол ашатын тұлғалар – ғалымдар мен ұстаздар. Осы екі саланы қатар алып, тұтас ғұмырын ұрпақ тәрбиелеуге, ағартушылыққа арнағандар аз емес. Солардың бірегейі, Л.Н.Гумилев атындағы Еуразия ұлттық университетінің профессорлары – Әбдімәжит Саипов пен Қадиша Шалғынбаева.

Жансарай • 16 Қазан, 2024

Ғылыммен ұшталған ғұмыр

Қай халықтың болсын ғылымы мен мәдениеті адамзат өркениетіне өлшеусіз үлес қосқан тарихи тұлғаларымен, ғибраты мол рухани жетістігімен озық саналады. Қазақтың аса көрнекті ғалым қызы, Ұлттық ғылым академиясының академигі Рабиға Сыздықтың ғылыми шығармашылығы, ұлттық мәдениет қазынасына қосқан қыруар қымбат мұрасы, теңдесі жоқ телегей-теңіз тілшілік қызметі біздің санамызда сондай озық қатардан орын тебетін жасампаз, жарқын үлгісімен мәңгі жасай береді.

Жансарай • 12 Қазан, 2024

Роза Мұқанова: Әдебиет жаны таза адамға ғана қонақтайды

Роза Мұқанова есімі әдебиетсүйер қауымға кеңінен таныс. Сезімтал, сырлы, дара шығармалар иесімен әңгімелесіп, сыр сандығын ашуға ұмтылған едік.