Партияаралық ынтымақтастық жолында

Кеше «Нұр Отан» ХДП-ның Орталық аппаратында партия Төрағасының бірінші орынбасары Нұрлан Нығматулин Еуропа Ха­лықтық партиясы делегациясымен кездесті. Кездесу бары­сын­да тараптар партия қызметінің негізгі бағыттарын, соның ішінде пар­тияаралық ынтымақтастық мәселелерін талқылады. «Нұр Отан» Азияның, Еуро­па­ның, Американың жетекші пар­тияларымен байланыс орна­тып, Қазақстанда аккредиттелген Еуропа Кеңесінің Парламенттік Ассам­блеясы, ЕҚЫҰ сияқты ха­лық­ара­лық ұйымдарымен белсенді әріп­тестік қарым-қатынас орнатқан. Еуропа Халықтық партиясы құрамында қазіргі таңда 39 елдің 73 партиясы бар. Сондықтан бұл партия көп жылдардан бері Еуропа парламентінде басымдыққа ие Еуропадағы ірі партиялық институт ретінде көптеген ел­дердің партиялық қызметін реттеуде зор тәжірибе жинақтаған. Елбасы, «Нұр Отан» пар­тия­сының Төрағасы Нұрсұлтан На­зарбаевтың Еуропалық одақпен әріптестікті нығайтуға айрықша назар аударып отырғанын айта келіп, Нұрлан Нығматулин Еуропа Халықтық партиясымен ұзақ мерзімді байланыс орнатуға деген ниетін білдірді. Өз кезегінде делегация мүше­лері Орталық Азияның саяси тұрақтылығындағы Қазақстан­ның маңызды орнын атай келіп, билік партиясымен болған өзара тиімді әрі конструктивті үнқа­ты­су үшін ыстық ықыластарын жеткізді. «Егемен-ақпарат».