Жуық күндері, атап айтқанда, 6-12 наурыз аралығында елімізде алғаш рет Дүниежүзілік глаукома апталығы өткізілмек. Мақсат – қоғамның және бұқаралық ақпарат құралдарының глаукоманы ерте анықтау мен емдеудің түйінді мәселелеріне көңілін аудару болып отыр. Глаукома – көздің көруін төмендететін, тұрақты соқырлыққа әкелетін көз ауруы. Ең қиыны, глаукомаға шалдыққан науқастардың жартысы дерлік өз ауруы туралы ешнәрсе білмейтіні.
Осы апталық қарсаңында, яки 3 наурызда Қазақ көз аурулары ғылыми-зерттеу институты Глаукома мектебін өткізетін болса, осы глаукома мектебі аясында дәрігерлер үшін семинар өткізіліп, науқастар үшін дөңгелек үстел мен кеңестер жүргізілетін болады.
Қазақ көз аурулары ғылыми-зерттеу институтының ұйытқы болуымен 9-10 наурызда ғылыми-зерттеу институтында, облыс орталықтарындағы глаукома бөлмелерінде, емдеу-диагностикалық «Жәрдем» пойыздарында глаукоманы анықтайтын тегін скрининг зерттеулер ұйымдастырылмақ.
«Егемен-ақпарат».