Жаңаөзендегілердің жалақысы қанша?

Соңғы кездері БАҚ-тарда жа­рияланып жүрген теріс мәлі­мет­тер мен кейбір қоғамдық қай­рат­керлер тарапынан кереғар пікір­лердің жиі айтылуына бай­ла­ныс­ты «Қаз­Мұ­най­­Газ» Барлау Өн­ді­ру» АҚ бас­па­сөз қызметі төмен­дегіні ха­барлайды. «Өзенмұнайгаз» ӨФ өндіріс­тік жұмыскерлердің орташа ай­лық жа­лақысы шамамен 300 мың тең­гені құрайды (осы жерде және бұ­дан әрі сомалар барлық са­лық­тар­ды тө­ле­геннен кейін көр­се­тіліп отыр, яғ­ни таза қолдарына алатын сомасы). Соңғы бірнеше жыл ішінде Жаңаөзендегі мұнайшылардың жа­­ла­қысы екі еседен аса кө­бейді. Мәселен, 2007 жылдың қаңтар айында 4 разрядтағы ұң­ғыма­лар­ды жерасты жөндеу опе­раторы­ның орташа айлық жа­лақысы 147 832 теңгені құ­рады. Үш жылдан кейін, 2010 жылы бұл сома 296 092 теңгеге дейін көбейді. Ал биылғы жы­лы жаңа еңбекақы тө­леу жүйе­сінің енгізілгенін, сон­дай-ақ жыл басындағы инфля­ция­ны ескере отырып жасал­ған ин­дексацияны қоса есептегенде, жа­ңағы жұ­мыс­шының жалақысы 316 719 теңгені құрады. Сөзсіз, жұмыскерлердің орташа айлық жалақысы біліктілік са­натына байланысты әртүрлі бо­лып келеді. Мәселен, үшінші раз­рядтағы мұнай және газ өндіру операторы қолына 166 135 теңге алады. Төртінші разрядтағы оператор сәл көптеу алады – 199 608 теңге. Ал бесінші разрядтағы мұ­най және газ өндіру опера­то­ры­ның қолына алатыны – 247 427 теңге. Арнаулы техника машинис­терінің де өзінің ара-жігі бар. «Өзен­мұнайгаздың» бесінші раз­­ряд­тағы тіркемесі жоқ мұнай кә­сіпшілігі автоцистерна маши­нисі­нің орташа айлық жала­қы­сы 268 783 теңгені құрайды. Ал тіркемесі бар мұнай автоцистерна жүргі­зетін осы разрядтағы машинист 30 мың теңгеге көп алады. Жүк ілушінің (стропальщик, жүкті ілуші, бекітуші) еңбегі де разрядқа байланысты төленеді. Төртінші разрядтағы ұңғыма­лар­ды жерасты жөндеу стропальщигі 183 270 теңге, ал бесінші раз­ряд­та­ғылар 226 673 теңге табыс табады. Білімі жоғары және тәжі­ри­бесі бар инженерлік-техникалық қыз­мет­кер­лер жұмысшы маман­дарға қарағанда, жоғары жала­қы алады. Айтпақшы, олардың басым бөлігі еңбек жолын қара­пайым жұмыс­шыдан бастап, біртіндеп, өзінің кәсіби шеберлігін шыңдап, қо­сым­­ша жоғары білім алу арқылы қыз­мет саты­сына көтеріледі. Уа­қыт өте келе олар жауапкершілігі жоғары, тех­никалық білімді қа­жет ететін қыз­метке ауысып, жоғары жалақыға қол жеткізеді. Мәселен, оныншы разрядтағы автоматика және ба­қылау-өлшеу құралдары инжене­рінің жала­қы­сы 260 168 теңге құ­райды. Ал мұнай және газ өндіру цехы бас­тығының жалақы­сы (14 разряд) – 407 768 теңге. Бұдан бөлек, компанияның 2011 жылдың ақпанында жұмыс беруші мен кәсіподақ өкілдері қол қойған ұжымдық шарт бой­ынша әлеумет­тік міндеттемелері бар. Осы шарт­тың аясында компания өзінің бір қызметкеріне жы­лына бір мил­лион­ға жуық қа­ра­жат жұм­сайды. Бұл қаржы сау­ықтыру, тамақ­тан­дыру, балалар­дың дема­лысы, ең­бек демалы­сының төлем­деріне, ең­бекке жа­рамсыздығына төлем­дер жасауға және т.б. жұмсалады. Қорытындысында ҚР Статистика агенттігі таратқан елдегі орташа айлық жалақының мөлшері туралы мәліметтерге назар ау­дарт­­­қы­мыз келеді. Еліміз бой­ын­ша орташа айлық жалақы сәуір айында 83 276 теңгені құрады. Бұл ретте тау-кен өндіру өнер­кә­сі­біндегі орташа айлық жалақы 155 мың теңгеге тең. Маңғыстау облысындағы орташа айлық жа­ла­қы 138,3 мың теңгені құрайды. ҚМГ БӨ баспасөз қызметі.