Елшілік есігін ашты

Кеше Сыртқы істер министрі Ержан Қазыханов Қа­зақ­станға ресми сапармен келген Сербия Респуб­ли­ка­сы­ның Мемлекеттік хатшысы Иван Мркичпен кездесті. Кездесу барысында тараптар екі елдің арасындағы эконо­ми­калық ын­ты­мақтастықтар, мә­дени-гума­ни­­тар­лық байла­ныс­­тарды дамыту мәселе­ле­рінің өзекті мәселелері бой­ынша пікір алмасты. Сонымен бірге үкіметаралық комиссия­ның оты­рысында қаралуға тиісті мәсе­лелерді талқылады. Оның негізгі бағыттарын 2010 жылдың қазан айында Қазақ­стан Президенті Нұр­сұлтан Назарбаев пен Сербия Президенті Борис Тадич соңғының Ас­та­наға ресми сапармен келген жо­лындағы екіжақты кездесуде анық­таған еді. Сол сапарында Елбасы Н.Назарбаев пен Б.Тадич Астанада Сербия Рес­публикасының елшілігін ашу туралы келісімге де қол жеткізген болатын. Кеше, Сыртқы істер министрі Е.Қа­зыхановпен болған кездесуден шыққан соң Сер­бияның Мемлекеттік хатшысы Иван Мркич сол тап­сырманы орын­дауға келгенін де мәлім етті. Елшілік Сербия мен Қа­зақ­стан арасындағы берік байла­нысқа дәнекер болар деген сенімдеміз, деді ол журналистерге. Кеше кешкілік осы Елші­ліктің салтанатты ашылу рәсімі болды. Ол елордадағы қымбат қонақүйлердің бірі «Рэдис­сон­да» есігін ашты. Жақсыбай САМРАТ.