Бауырлас қалалар ынтымақтастығы

Өткен сенбіде Сенат Төрағасы Қайрат Мәми Астанаға ресми сапармен келген Анкара мэрі Мэлих Гокчекті қабылдады. Кездесу барысында Қазақстан мен Түркия арасындағы қаты­нас­тарды одан әрі нығайту мәсе­ле­лері талқыланды, деп хабарлады Сенаттың баспасөз қызметі. Түркия Қазақстанның маңыз­ды стратегиялық әріптесі болып табылады, біздің халықтарымыз­ды ортақ мәдени және тарихи та­мырластық, тіліміздің жақын­ды­ғы байланыстырады, деді Қ.Мә­ми. Астана мен Анкара ара­сын­дағы бауырлас қалалар ретіндегі қатынастарды атап өте келіп, Төраға экономикалық даму, саяси және әлеуметтік жаңғыру сала­сын­дағы мемлекет алдында тұр­ған міндеттерді табысты шешуде Қазақстан елордасы ерекше орын алатынын атап өтті. Төраға, сондай-ақ парламент­аралық байланыстарды екіжақты ынтымақтастықтың маңызды бөлігі болып табылатындығын, биылғы жылы сәуір айында Астанада өткен ТүркПА-ның ІІ жалпы отырысының нәтижелерін жоғары бағалады. Ал М.Гокчектің айтуынша, Қа­зақ­­стан мен Түркия елорда­ла­ры ара­сындағы бауырластық байланыстар екіжақты қарым-қатынастарды одан әрі нығайтуға ықпал етеді. «Егемен-ақпарат».