Норвегия елшісін қабылдады

Кеше Қазақстан Республикасының Сыртқы істер министрі Ержан Қазыханов Норвегия Корольдігінің елшісі Даг Малмер Халворсенді қабылдады, деп хабарлады СІМ-нің баспасөз қызметі. Норвегияда жақында орын ал­ған қайғылы оқиғаға орай қазақ­стандық сыртқы саясат ведомс­тво­сының басшысы «Қайғылы са­ғат­тарда Президент Нұрсұлтан Назарбаев Король Харальд V-ке Қа­зақстан халқының Норвегия хал­қына деген сезімдері мен қай­ғы­руын жеткізген көңіл айтуын жол­дағанын» атай отырып, қаза тап­қан­дардың отбасына, туған-ту­ыс­тары мен жақындарына те­рең кө­ңілі мен зардап шеккен­дер­дің бар­лығына қолдау сөздерін жеткізді. Кездесу барысында Е.Қазы­ха­нов Қазақстан экстремизм мен лаң­кестіктің кез келген түрін қат­ты сынға алатынын атай отырып, осы күндері Қазақстан халқы Нор­вегия халқының қасында жә­не Қазақстан осы жылдардың бар­лығында экстремизм мен лаң­кестікпен күрес жөніндегі халық­аралық шаралардың белсенді және маңызды қатысушысы бо­лып келгенін атап өтті. Астананың ағымдағы сыртқы саяси бастамаларына тоқтала келе, қазақстандық министр норве­гиялық дипломатты Қазақстан­ның Ислам Ынтымақтастық Ұйы­мы Сыртқы істер министр­лерінің кеңесіндегі басымдық­та­рымен та­ныстырып, халықара­лық және аймақтық қау­іп­сізд­ік­ті, жаппай қырып-жою қа­руын таратпау тәртібін нығайту, әлеу­меттік мә­се­лелерді шешу және дамытуға өз үлесін қосу, өрке­ниетаралық үнқатысуды ілгері жылжыту, ислам әлемі мен Ба­тыс арасындағы үйлестірілген өзара ықпалдас­тық­ты қамтама­сыз ету, исламо­фо­бияға қарсы іс-әрекет жұмыс­та­рын нығай­ту­ға күш шоғыр­ланатынына назар аудартты. Әңгімелесуші тараптар екі­жақ­ты мәселелерді де қарастыр­ды. Қаңтар айында Қазақстан мен Норвегия арасындағы дипло­ма­тия­лық қатынастарға 19 жыл то­ла­тынын айта отырып, тараптар ықпалдастықтың барлық с­а­ла­сын қамтитын прогреске өз қа­на­ғат­танушылықтарын білдірді. Астана Ослоны Еуропадағы маңызды саяси және экономи­ка­лық әріптесі ретінде қарастыра­ды және барлық салада ынты­мақ­тас­тық­ты дамытуға мүдделі. Екі ел­дің арасындағы саяси және сау­да-экономикалық қатынастардың да­муы мен тереңдеуіне 2010 жы­лы Кронпринц Хокон Магнустың Астанаға ресми сапары өз септігін тигізді. Сол сапар ортақ эко­номикалық жобалардағы норве­гия­лық инвесторлардың қызметін белсендендіре түсті. «Егемен-ақпарат».