Астанада өтіп жатқан Қазақстан-Корея бизнес-форумына қатысқан Үкімет басшысы Кәрім Мәсімов Корея Республикасының инвесторларын еліміздің инновациялық жобаларына қатысуға шақырды.
«Инновациялық және технологиялық даму салаларындағы сіздердің озық табыстарыңызды ескере отырып, мен біздің кореялық әріптестерді Қазақстандағы инновациялық жобаларға қосылуға шақырамын», деді Үкімет басшысы. Осы орайда Премьер-Министр инновациялық жобаларға ерекше екпін берілетінін, сондай-ақ технологиялар барынша игеріліп, ғылыми және зерттеушілік топтар арасында байланыстар күшейе түсетінін айта отырып, екі ел арасындағы әріптестіктің уақыт сынынан сүрінбей өтіп келе жатқанын атап көрсетті.
«Егемен-ақпарат».