2011 жылғы 15 қыркүйекте Ресей Федерациясының Астрахань қаласында «Алтай» трансшекаралық резерватын құру туралы Қазақстан Республикасы Үкіметі мен Ресей Федерациясы Үкіметі арасындағы келісім-шартқа қол қойылды.
Қазақстан үшін – бұл бірінші құрылған трансшекаралық резерват. Резерват құрамына Катонқарағай мемлекеттік ұлттық паркі (Қазақстан Республикасы) мен «Катун» мемлекеттік табиғи биосфералық қорығы (Ресей Федерациясы) кірді. Содан кейін осы резерватты Бүкіләлемдік биосфералық резерваттар желісіне қосу жоспарлануда.
«Алтай» резерватын құру «Алтай» трансшекаралық аумағындағы жабайы жануарлардың бөгетсіз қоныс аударуы үшін жағдайларды қамтамасыз ету және табиғи өрттерді жою, алдын алу, табиғатты қорғаудағы заң бұзушылықты тоқтату жөніндегі тараптар қызметінің арасындағы қарым-қатынас, жануарлар мен өсімдіктер дүниесінің сирек кездесетін және құрып кету қаупі төнген объектілерін қоса алғанда, табиғи кешендер мен объектілерді қорғау жөніндегі іс-шараларды күшейту, ғылыми-зерттеу жүргізу саласындағы екі жақты қарым-қатынасты дамытуды ықпалдастыратын болады.
Резерват құру бұдан басқа шекаралас аудандардағы экологиялық туризмді дамыту мен халықтың экологиялық сауатын ашуға ықпал ететін болады. Жоғарыда аталған іс-шараларды іске асыру үшін қазақстандық-ресейлік аралас комиссия жұмыс жасайды.
Аралас комиссия тараптардың өкілетті органдарының келісімі бойынша Қазақстан Республикасы мен Ресей Федерациясында кезектесіп отырыстар өткізіп тұрады.
Комиссияның алғашқы отырысында соның негізінде бірлескен іс-шаралар жоспарын, Алтайдың таулы бөлігіндегі аумақта ғылыми зерттеулер жүргізу тақырыптарын бекітуді қоса алғандағы қызметтестіктің бағдарламасы мен жоспары әзірленетін комиссия ережесін қабылдау жоспарланған.
Аралас комиссияның жұмысы трансшекаралық резерват аумағындағы экологиялық туризмді дамыту, табиғи өрттердің, экологиялық құқық бұзушылықтардың алдын алу мен ескерту бойынша тараптардың мемлекеттік органдары арасындағы өзара әрекеттерді күшейтуге бағытталатын болады.
Резерват құру қоршаған ортаны қорғау саласындағы Қазақстан мен Ресей арасындағы екі жақты қарым-қатынасты дамытуға жаңа серпін береді деген үміттеміз.
Бұдан басқа, тараптар қазіргі уақытта Еділ-Жайық киіктер тобын қорғау, өсімін молайту және пайдалану бойынша Қазақстан Республикасы Ауыл шаруашылығы министрлігі мен Ресей Федерациясының Табиғи ресурстар және экология министрлігі арасындағы келісім-шарт жобасы мен шекаралас аумақтардағы орман және дала өрттерінің алдын алу мен сөндіру бойынша Қазақстан Республикасының Үкіметі мен Ресей Федерациясы арасындағы келісім-шарт жобасымен келісу жөнінде жұмыстар жүргізіліп жатыр.
Бұл келісім-шартқа жақын уақытта қол қойылатынына үміт мол.
Ерлан НЫСАНБАЕВ, Ауыл шаруашылығы министрлігі Орман және аңшылық шаруашылығы комитетінің төрағасы.