Денсаулық сақтау министрлігі Медициналық және фармацевтикалық қызметті бақылау комитеті төрағасының орынбасары Д.Есімовтің төрағалығымен жұмысшы кеңесі өтті. Кеңес жұмысына үкіметтік емес ұйымдар, комитеттің аумақтық бөлімшелерінің қызметкерлері қатысты.
Жиынды өткізудегі мақсат, үкіметтік емес ұйымдармен бірге денсаулық сақтау саласында біліктілік емтихандарын өткізуді жүзеге асыру тетігін талқылау еді.
Ағымдағы жылы Қазақстан Республикасының денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын іске асыру барысында азаматтық қоғамдастық пен үкіметтік емес ұйымдарды тарту қарастырылған. Бұл жоба, ең алдымен, медицина қызметкерлерінің, атап айтқанда кәсіптік ортадағы біліктілік деңгейін анықтауға бағытталған. Бұл мамандардың теориялық және практикалық дағдыларын жақсы меңгеруіне ықпал етеді.
Кеңесте комитеттің, оның аумақтық бөлімшелері мен әлеуметтік тапсырыс шеңберінде аталған қызметтерді мемлекеттік сатып алу жөніндегі конкурстың жеңімпаздары болып танылған 4 үкіметтік емес ұйымның («Ұлттық медициналық қауымдастық» РҚБ, «Астана қаласының тәуелсіз медициналық сарапшылар қауымдастығы» ҚБ, «Жамбыл облысы бойынша тәуелсіз медициналық сарапшылар қауымдастығы» ҚБ, «Алматы қаласы бойынша тәуелсіз медициналық сарапшылар қауымдастығы» ҚБ) өзара іс-әрекет ету мәселелері, сондай-ақ әкімшілік кедергілерді төмендетуге, бақылау-рұқсат беру функцияларын қысқартуға байланысты басқа да мәселелер талқыланды.
«Егемен-ақпарат».