Сенатор – комиссия төрағасы

Таяуда өткен ҰҚШҰ Парламенттік Ассамблеясы Саяси мәселелер және әлеуметтік-мәдени тұрақты комиссиясының отырысында ҰҚШҰ-ға мүше мемлекеттердің халықаралық келісімдер мен шарттарын жүзеге асыру, бітімгершілік сала­сын­дағы қызметін нормативтік қамтамасыз ету мәселелері талқыланды, деп хабарлады Сенаттың баспасөз қызметі. Санкт-Петербургте кеше болған шараға Сенаттың Әлеу­меттік-мәдени даму коми­те­ті­нің төрағасы Ақан Бижанов бас­таған Парламент депутат­та­ры қатысты. Депутаттар Қа­зақ­стан Республикасы Парламенті Сенатының таяудағы сайлау қорытындыларына, ҰҚШҰ-ға мүше мемлекеттер басшы­лары­ның биылғы тамыздағы Астана қаласындағы бейресми саммиті шешімдерін заңна­малық тұрғыда қамтамасыз ету мәселелеріне назар аударды. Отырыста А.Бижанов ҰҚШҰ Парламенттік Ассамблеясы Саяси мәселелер және әлеу­мет­тік-мәдени тұрақты ко­миссиясының төрағасы болып сайланды. Депутаттар, сондай-ақ ҰҚШҰ ПА жұмыс жоспа­ры­ның жо­басын, комиссияның кезекті отырысын өткізу мерзімін және басқа да мәселелерді талқылады.