Алматы маңында қар барысы аландарымен видеоға түсіп қалды. Бұл туралы "Kazakh Tourism" ұлттық компаниясы" АҚ басқарма төрағасы Ержан Еркінбаев Instagram парақшасында жариялады.
"Камерамызға жаңа көріністерді түсіріп алдық! Дана әлі күнге дейін балаларын мәпелеп жүр. Ал олар анасынан да үлкен болып өсіп кеткен. Өздері тамақ тауып жесе болады ғой. Күшіктердің жағдайы жақсы сияқты. Терісі жылтырап тұр, аш-арық емес. Бұл жақсы", - деп жазды Ержан Еркінбаев.