"Родина" Агрофирмасы" ЖШС бас директоры Иван Сауэр Елбасы Нұрсұлтан Назарбаевтың тезірек сауығып кетуін тіледі, - деп хабарлайды Egemen.kz.
"Бұл біз үшін, біздің ұжым үшін суыт хабар болды. Себебі "Родина" агрофирмасы үшін Елбасы тек еліміздің көшбасшысы ғана емес, біздің тікелей қолдаушымыз. Соңғы отыз жылда ешқандай маңызды шешім ол кісінің тікелей қатысуынсыз жүзеге асқан жоқ. Жекешелендіру бойынша қанатқақты жоба не заманауи сүт комплексінің құрылысы болсын әрдайым Елбасының бастамасымен орындалып келді. Бізге берілген тапсырманы нақты іске асырып, Елбасымен кеңескен ортақ жобалардың нәтижесін көріп келеміз.
Дүниежүзін әбігерге салған індетпен айқаста да жеңімпаз болып шығатынына сенеміз және шын жүректен тілектеспіз. Біз білетін Елбасы әрдайым сынақтардан сүрінбей өтеді", - деді "Родина" Агрофирмасы" ЖШС бас директоры Иван Сауэр.