Ұлттық ауруларды бақылау және қоғамдық денсаулық сақтау орталығының басшысы Амиран Гамкрелидзе 15 наурызда Грузия бойынша 29 клиникада коронавирусқа қарсы вакцина егу басталатынын мәлімдеді, деп хабарлайды Egemen.kz
«Тбилисиде осындай 10 вакцинация орталығы болады, Кутаиси мен Батумиде төртеу, Рустави мен Зугдидиде екеу, ал басқа аудан орталықтарында біреуден. 17 наурызда тағы 35 мекеме, ал 19 наурызда тағы 23 мекеме қосылады. Осылайша, бір аптадан кейін вакцинация процесі елдің барлық муниципалдық орталықтарына таралады», деді Амиран Гамкрелидзе.
Тбилисиге 13 наурызда COVID-19 вакцинасының бірінші партиясының 43,2 мың дозасы жеткізілді. Елде ең алдымен соңғы 120 күнде коронавируспен ауырмаған медициналық қызметкерлері вакцинациядан өтеді.
Алдын ала мәліметтер бойынша, бұл елде олардың саны – 54 мың. AstraZeneca вакцинасының Грузияға келесі жеткізілімі (86,4 мың доза) сәуір айына жоспарланып отыр.