Тұңғыш Президент бастамасы бойынша «Елбасы жылуы» қайырымдылық акциясы басталады. Бұл туралы Нұрсұлтан Назарбаевтың баспасөз хатшысы Айдос Үкібай Twitter парақшасында жазды, деп хабарлайды Egemen.kz.
«Бүгіннен бастап Қазақстанның Тұңғыш Президентінің бастамасы бойынша «Елбасы жылуы» қайырымдылық акциясы басталады. Акция аясында Нұрсұлтан Назарбаев Қоры мен «Дегдар» қайырымдылық қоры мұқтаж қазақстандықтарға азық-түлік және бірінші қажеттіліктегі тауарлар түрінде көмек көрсетеді», деп жазды Айдос Үкібай.