Маңғыстау облысының әкімдігі мен «Олжа Агро» ЖШС-гі арасында мал азығын тегін жеткізу бойынша меморандумға қол қойылды, деп хабарлайды Egemen.kz.
Маңғыстау облысында қуаңшылықтан қиналған шаруаларға көмек беру шаралары жалғасуда. Облыс әкімдігімен келісім аясында «Олжа Агро» ЖШС Маңғыстау облысына құрғақшылықтан зардап шеккен мал иелеріне көмек ретінде жалпы құны 32 миллион теңге болатын 250 тонна шөп және 180 тонна жем жеткізеді.
Сонымен қатар қол қойылған меморандум аясында «Олжа Агро» ЖШС өңірге мал азығын нарықтағыдан төмен бағамен жеткізетін болады.
Облыс әкімі Нұрлан Ноғаев тұрғындар арасында жем-шөпті жеткізу мен бөлудің ашық тетігін ұйымдастыру жөнінде бірқатар нақты тапсырмалар берді.