Ресейде КВИ-ге қарсы «КовиВак» вакцинасын шығару препараттың шикізат өндірісін жаңарту үшін бірнеше айға тоқтатылды. Оның жаппай шығарылуы күздің соңына дейін кейінге қалдырылды, деп хабарлайды Egemen.kz.
DSM Group бас директоры Сергей Шуляк М.П. Чумаков атындағы иммунобиологиялық препараттарды зерттеу және дамыту ғылыми орталығы қазір вакцина өндірісін кеңейту үшін жаңа жабдық орнатып жатқанын айтты, себебі қолда бар тәжірибелік-өнеркәсіптік қуаттар орталыққа шикізаттың үлкен көлемін өндіруге толық мүмкіндік бермейді.
«КовиВактың» өндірісін жаңғырту екі айға созылады деп болжанады. Басқа нұсқаға сәйкес, Чуваков атындағы орталық оны экспортқа дайындау үшін шикізат шығаруды тоқтатты. Алайда, сауалнамаға қатысқан сарапшылар вакцинаны жеткізу көлемі 2021 жылы 1,5 миллион дозадан асатынына күмән келтіреді.
«Бұл вакцинаға сұраныс парадоксальды түрде жоғары болды», деп атап өтті RNC Pharma даму жөніндегі директоры Николай Беспалов.
Маманның айтуынша, препарат белсенді емес вирусы бар классикалық платформада жасалғанымен танымал болды.