Денсаулық сақтау министрі Алексей Цой Pfizer вакцинасын жеткізу туралы соңғы келісімшартқа қол қойылғанын айтты. 2021 жылдың төртінші тоқсанында препарат Қазақстанға әкелінеді, деп хабарлайды Egemen.kz.
«Біз соңғы келісімшартқа қол қойдық. Компанияда белгілі бір рәсім бар, бірнеше құжаттар бар. Шамамен 4 млн доза жеткізу жоспарлануда. Жеткізу күтілуде. Алдағы уақытта төртінші тоқсанда алатын боламыз деп ойлаймын», деді Денсаулық сақтау министрі ОКҚ брифингінде.
Оның айтуынша, қазір Қазақстанда арнайы тоңазытқыш жабдығы дайындалуда, өйткені Pfizer-ді минус 80 градус температурада сақтау қажет.
«Қазір бізге тоңазытқыш жабдықтары жеткізілуде. Олар қажетті режимге сәйкес келеді. Барлық жағдай жасалатын болады. Вакцинация пункттерінің өздері ұйымдастырылған, принцип ұқсас. Жалғыз нәрсе - сақтау режиміндегі айырмашылық. Мұнда қосымша жабдықтар барлық өңірлерде орнатылады», деді Алексей Цой.
Еске сала кетсек, Қазақстанда Pfizer вакцинасымен балалар мен жүкті әйелдерді вакцинациялау жоспарлануда.