Әлемді дүрліктірген коронавирустың жаңа «омикрон» нұсқасын жұқтыру дерегі 57 елде тіркелді, Бұл туралы Дүниежүзілік денсаулық сақтау ұйымы мәлімдеді, деп хабарлайды Egemen.kz Reuters-ке сілтеме жасап.
ДДСҰ өзінің апта сайынғы эпидемиологиялық есебінде коронавирустың «омикрон» штаммынан туындаған аурудың ауырлығын және оның мутациясы вакциналармен алынған иммунитетті қорғай алатынын бағалау үшін қосымша мәліметтер қажет деп мәлімдеді.
«Дерттің ауырлық дәрежесін ескеретін болсақ, «дельтаға» қарағанда, «омикронның» таралуына байланысты ауруханаға жатқызу саны артады деп күтілуде», делінген ДДСҰ есебінде.
Еске салсақ, 26 қарашада ДДСҰ Оңтүстік Африкада алғаш рет табылған SARS-CoV-2 бесінші штаммы - омикрон штаммының пайда болғаны туралы жариялады. Оңтүстік Африкада тіркелген жағдайлардың саны бір апта ішінде екі есе артып, 62000-нан асты. Ұйымның есебінде аурудың күрт өсуі Эсватини, Зимбабве, Мозамбик, Намибия және Лесотода байқалды.
«Омикрон» штаммындағы мутациялар вакцинадан алынған иммунитеттен қорғанудың төмендеуіне және вакцинаның қосымша дозаларын қолдануды қоса алғанда, вакцинаның тиімділігі туралы мәліметтерді бағалау үшін қосымша мәліметтер қажет», делінген хабарламада.