Маңғыстауда төтенше жағдай кезінде барлығы 50 мыңға жуық азамат, коменданттық сағат кезінде 513 азамат тексерілді, деп хабарлайды Egemen.kz.
«Төтенше жағдай режимін бұзғаны үшін Әкімшілік кодекстің 476-бабы бойынша жауапкершілік көзделген. Алты тәулікте барлығы 252 азаматқа қатысты әкімшілік хаттама жасақталып, іс-қағаздар әкімшілік сотқа жолданды», деп жазылған Маңғыстау ПД таратқан хабарламада. Маңғыстау облысы коменданты Жанарбек Бақтыбаев облыс тұрғындарын төтенше жағдай режимін және коменданттық сағат ережелерін қатаң сақтауға шақырады.