«ҚазАвтоЖол» ҰК» АҚ жолдағы қауіпсіздік үшін жануарларды үркітетін «электр бақташы» (электропастух) құрылғысын орнатты, деп хабарлайды Egemen.kz.
«ҚазАвтоЖол» ҰК» баспасөз қызметінің мәліметінше, бұл құрылғы жануарларға қауіп төндірмейді. Тоқ күші шамамен 12 вольт. Орнатылған құрылғының жалпы ұзындығы – 25 шақырым. Құрылғы «Доссор-Құлсары-Бейнеу-Сайөтес-Шетпе-Жетібай-Ақтау» автожолы мен «Жетібай-Жаңаөзен» тас жолы бойында орнатылған.
Ал былтыр республикалық маңызы бар автожолдар бойына 14 дана үй жануарларының муляжы (түйе, жылқы) және 13 000 метр жол қоршаулары қосымша орнатылған еді. Муляждар жүргізушілерге жануарлардың кенеттен жолда болуы мүмкін екенін еске салуға арналған.
Жол қоршаулары «Доссор-Құлсары-Бейнеу-Сайөтес-Шетпе-Жетібай-Ақтау» автожолының 673-674 шқ 400 метр, 709 шқ 2200 метр, 729 шқ 400 метр, 738 шқ 422 метр, ал «Бейнеу-Ақжігіт-Өзбекстан шекарасы» автожолының 51-56 шқ 9450 метріне орнатылды.