Қазақстанда жасөспірімдерді, жүкті әйелдер мен бала емізетін аналарды «Pfizer» вакцинасымен егу жалғасып жатыр, деп хабарлайды Egemen.kz.
27 мамырға дейінгі жағдай бойынша: аталмыш препараттың І дозасын – 1 158 766, ІІ дозасын 1 036 625 адам салдырды.
Оның ішінде: І компонентімен 850 710 – жасөспірім, 39 808 – жүкті әйел, 141 314 –бала емізетін әйел; ІІ компонентімен 802 698 – жасөспірім, 35 743 – жүкті әйел, 130 209 – бала емізетін әйел вакциналанды.
Жалпы, елімізде коронавирусқа қарсы вакциналардың барлық түрімен егілгендер саны: бірінші дозасымен – 9 502 731 адам, екінші дозасымен 9 278 614 адам.