Бүгін Ресейдің Ярославль қаласында Құрлықтық хоккей лигасының тұрақты чемпионаты өтеді, онда «Локомотив» өз алаңында елордалық «Барыспен» кездеседі, деп хабарлайды Egemen.kz.
Матчтың тікелей көрсетілімі Астана уақыты бойынша сағат 22:30-да басталады. Ойын барысын «Qazsport» телеарнасынан бақылауға болады.
10 ойыннан кейін 9 ұпай жинаған «Барыс» Шығыс конференциясының турнир кестесінде 6-шы орынды иеленді.
Соңғы матчта «Барыс» Череповецтің «Северсталіне» 2:5 есебімен ұтылды, ал «Локомотив» өз мұзында Владивостоктан келген «Адмиралды» 2:1 есебімен жеңген еді.