Алматы облысындағы күре жолдың бойында қар жауды, деп хабарлайды Egemen.kz «ҚазАвтоЖол» баспасөз қызметіне сілтеме жасап.
«10 қазанда «Кеген-Нарынқол» республикалық маңызы бар күре жол аумағында қар жауды. «ҚазАвтоЖол» ҰК» АҚ жол қызметтері учаскені тазарту бойынша жедел шаралар қабылдады», деп жазылған хабарламада.
Ал қар тазалау жұмыстарына үш арнайы техника мен 5 адам жұмылдырылған.
Ауа райына байланысты қозғалыс шектелген жоқ. Сондай-ақ жолда қауіпсіздік шаралары қамтамасыз етілді.