Қазақстан Республикасы Президенттігіне кандидат Мейрам Қажыкеннің сайлауалды штабы өз жұмысын бастады, деп хабарлайды Egemen.kz.
Сайлауалды штабы еліміздің астанасында «Аңсар» кәсіпкерлік орталығында орналасқан. Бүгінгі күні үгіт-насихат жұмыстары басталды.
«21 қазан күні сағат 18:00-де Қазақстан Республикасының Президенттігіне кандидат Мейрам Қажыкенді қолдауға арналған штаб ашылды. Президенттікке кандидаттың сайлауалды бағдарламасы қабылданып, үгіт-насихат бағдарламасы бекітілді. Үміткердің өзі Қазақстанның барлық аймақтарын аралауды жоспарлап отыр. Кандидаттың 138 сенімді өкілі бар. Еліміздің 14 өңірінде штабтар ашылды, қалған аймақтарда ұйымдастыру жұмыстары жүргізілуде. Астанада жұмыс орталықтандырылған түрде үйлестірілетін болады», деді штаб басшысы Әбіл Кекілбаев.
Айта кетейік, Мейрам Қажыкен «Аманат» Қазақстан кәсіподақтар достастығы» республикалық бірлестігі атынан Президенттікке кандидат ретінде тіркелді.