Оқу-ағарту министрі Асхат Аймағамбетов Ақмола облысының мектептерін аралап, «Жайлы мектеп» жобасы бойынша жаңа мектептердің құрылыс барысымен танысты, деп хабарлайды Egemen.kz.
Министр Қосшыдағы үшауысымды мектептер мәселесі қалай шешіліп жатқанын, жаңа мектептердің құрылыс жұмыстары қалай жүргізіліп жатқанын тексерді. Сондай-ақ «Жайлы мектеп» жобасы бойынша салынатын жаңа мектептердің қайда орналасатынын қарап шықты.
«Қазір Талапкер ауылындағы мектепке және басқа да елді мекендерге баруды жоспарлап отырмын. Онда «Жайлы мектеп» жобасы бойынша жаңа мектептер салынады. Президенттің тапсырмасы бойынша дайындалған жобаның арқасында оқушы орындарының тапшылығы мәселесі толығымен шешіледі», деп жазды А.Аймағамбетов Телеграм арнасында.