Қазақстанда 10 ай ішінде 948,5 мың тонна ет өндірілді. Өткен жылмен салыстырғанда, бұл көрсеткіш орта есеппен 0,5%-ға өсті, деп хабарлайды Egemen.kz Ауыл шаруашылығы министрлігіне сілтеме жасап.
Бұл ретте жылқы етінің өндірісі - 4,8%-ға өсті. Бұл 114,1 мың тоннаны құрайды. Сондай-ақ құс еті 2,9%-ға өсіп, 239,6 мың тоннаны құрады. Жыл басынан бері 400,1 мың тонна сиыр еті, 113,7 мың тонна қой еті, шамамен 61.2 мың тонна шошқа еті өндірілді.
Биылғы жылдың қыркүйегіне қарай ет экспорты 1 млн долларға жетті. Экспорттың басым бөлігі сиыр етіне тиесілі - 13,5 мың тонна, сондай-ақ шетелге 6,7 мың тонна қой еті мен 9,5 мың тонна құс еті сатылды.
Сондай-ақ алыс және жақын елдерден барлық түрдегі 110 мың тонна ет импортталды. Импорттың басым бөлігі, яғни 97,5 мың тонна - құс етіне тиесілі.