Бүгін Астана әуежайында 45 рейс кешіктірілді. Бұл туралы Қазақстанның Азаматтық авиация комитетінде айтылды, деп хабарлайды Egemen.kz.
«Қолайсыз ауа райына байланысты Астана қаласына/қаласынан 45 рейс кешіктірілді және тоқтатылды», делінген хабарламада.
Еске сала кетсек, бүгін таңертең 28 рейстің кешігуі туралы хабарланған еді. Айта кету керек, елордада екінші күн қатарынан боран соғып тұр.
Қала әкімдігі мәлім еткендей, бір түнде Астанадан 36 мың текше метрден астам қар шығарылған.